மனநலம் பாதிக்கப்பட்ட பெண் கர்ப்பம்.. அரியலூர் அதிமுக நிர்வாகிக்கு வலை

374
Spread the love

அரியலூர் மாவட்டம் ஜெயங்கொண்டம் அருகே அகரம் கிராமத்தைச் சேர்ந்த பரமானந்தம்-பவானி தம்பதியினரின் இரண்டாவது மகள் சிவசங்கரி(23), இவருக்கும், அதே பகுதியிலுள்ள சிலம்பூர் கிராமத்தைச் சேர்ந்த நாகராஜ் என்பவருக்கும் கடந்த 7 ஆண்டுகளுக்கு முன்னர் திருமணம் நடைபெற்று, சரண்ராஜ்(6) என்ற மகன் உள்ள நிலையில் கருத்து வேறுபாடு காரணமாக கனவன்-மனைவி இருவரும் பிரிந்து விட்டனர். இதனைத்தொடர்ந்து மகன் சரண்ராஜ்யுடன் பெற்றோர் வீட்டில் வசித்து வரும் சிவசங்கரிக்கு மனநலம் பாதிக்கப்பட்டிருந்ததாக கூறப்படுகிறது. தற்போது சிவசங்கரி  விவசாய கூலி வேலைக்கு செல்வதும், அப்பகுதியில் உள்ள வீடுகளுக்கு பால் கறந்து கொடுப்பது போன்ற கூலி வேலைகளை செய்து வந்துள்ளார். அவ்வப்போது சிவசங்கரி தனது பெரியப்பா முறையில் உள்ள உறவினரான ஆண்டிமடம் அதிமுக ஒன்றிய பொருளாளரான செல்வராஜ்(65) தோப்பில் முந்திரி கொட்டைகளை பறிக்கும் வேலையையும் செய்து வந்தார். அப்பொழுது சங்கரிக்கு ஆசை வார்த்தை கூறி செல்வராஜ் பலாத்காரம் செய்துள்ளார். இப்படியாக பல முறை செல்வராஜ் பலாத்காரம் செய்து வந்த நிலையில் கடந்த சில நாட்களுக்கு முன்பு சங்கரிக்கு திடீரென உடல் சோர்வு ஏற்பட்டு காய்ச்சல் வந்தது. இதன் காரணமாக  சிவசங்கரியின் அவரது குடும்பத்தினர் ஆண்டிமடம் அரசு ஆரம்ப சுகாதார நிலையத்திற்கு அழைத்து சென்றுள்ளனர். சிவசங்கரியை பரிசோதனை செய்த மருத்துவர்கள் சிவசங்கரி 6 மாதம் கர்ப்பமாக உள்ளதாக கூறியயுள்ளனர். இதனால் அதிர்ச்சியடைந்த சிவசங்கரியின் குடும்பத்தினர். கர்ப்பத்திற்கு யார் காரணம் என சிவசங்கரியிடம் விசாரித்ததில் பெரியப்பா முறையுள்ள அதிமுக ஒன்றிய பொருளாளர் செல்வராஜ் தன்னை முந்திரி காட்டில் வைத்து பலாத்காரம் செய்து விட்டதாக கூறியுள்ளார். இதனையடுத்து சிவசங்கரியின் தாயார் பவானி ஜெயங்கொண்டம் அனைத்து மகளிர் காவல் நிலையத்தில் புகார் அளித்தார். இதன் அடிப்படையில் போலீசார் வழக்கு பதிவு செய்து செல்வராஜை தேடி வருகின்றனர். 

 

LEAVE A REPLY