உடலுக்கு ஏராளமான நன்மைகளை தரும் சிவப்பு அவல்..

99
Spread the love

சிறப்பு மிகு சிவப்பு அவல்:

சத்துக்கள் நிறைந்த சிகப்பு அரிசியில் தயார் செய்யப்படுவது சிகப்பு அவல். உடலுக்கு உறுதியும், நோய் எதிர்ப்பு சக்தியும் தரும் சிகப்பு அவல் கொண்டு ஏராளமான உணவு வகைகள் செய்யப்படுகின்றன. சிகப்பு அவல் இனிப்பு மிக பிரபலமானது. அதுபோல் சிகப்பு அவல் கொண்டு கஞ்சி, பாயாசம், புட்டு போன்றவை செய்து உண்ணப்படுகிறது.

கம்பு அவல்

கம்பு என்பதனை மாவாகவும், ரவையாக உடைத்தும் உணவுகள் தயாரிக்கப்படுகின்றன. தற்போது அரிசி அவல் போன்று கம்பு அவலும் தயாரித்து விற்கப்படுகின்றன. கம்பின் சத்துக்கள் அனைத்தும் நிறைந்த கம்பு அவல் கொண்டு உடனடி சமைக்காத உணவு வகைகள் செய்து உண்ணலாம். இனிப்பு மற்றும் கார என்றவாறும், காய்கறி துருவல்கள் இணைந்தவாறும் கம்பு அவலை தினசரி பயன்பாட்டிற்கு பயன்படுத்தி கொள்ளலாம்.

தினை அவலும் ராகி அவலும் 

தினையரிசி பயன்பாடு மீண்டும் புத்துணர்வு பெற்று ருசிமிக்க உணவுகளால் தினசரி உணவில் இணைந்துள்ளன. அதில் சுவைமிக்க தினை அவல் மற்றும் கேழ்வரகு அவல் போன்றவையும் சந்தையில் கிடைக்கின்றன. ஒரே மாதிரியான சிற்றுண்டி மற்றும் காலை உணவுகளை கைவிட்டு புதுமையான சிறுதானிய அவல் வகைகளை உணவில் சேர்ப்பதன் மூலம் ஏராளமான உடல் ஆரோக்கிய நன்மைகளும், உடல் எடையை குறைக்கவும், நீரிழிவு நோய் மூலம் ஏற்படும் பாதிப்புகள் குறையவும் உதவிகரமாக இருக்கின்றன.

LEAVE A REPLY