நான் ரப்பர் ஸ்டாம்ப் அல்ல.. கேரள அரசுக்கு கவர்னர் ‘பஞ்ச்’

105

குடியுரிமை சட்டத்தை எதிர்த்து மாநில அரசு வழக்கு தொடர்ந்தது தனக்கு தெரியாது எனவும், யாரும் அனுமதி பெறவில்லை எனவும் நான் ரப்பர் ஸ்டாம்ப் அல்ல என்றும்  கேரள கவர்னர் ஆரிப் முகமது கான் தெரிவித்துள்ளார். குடியுரிமை திருத்த சட்டத்திற்கு எதிராக உச்சநீதிமன்றத்தில் கேரள அரசு வழக்கு தொடர்ந்துள்ளது. இது தொடர்பாக கவர்னர் ஆரிப் கான் கூறியிருப்பதாவது: கேரள அரசு தவறு செய்தது எனக்கூறவில்லை. உச்சநீதிமன்றத்தை நாட அவர்களுக்கு உரிமை உள்ளது. ஆனால் அதற்கு முன்னதாக என்னிடம் அனுமதி பெற்றிருக்க வேண்டும். அல்லது இது குறித்து என்னிடம் தெரிவித்திருக்க வேண்டும். மாநில அரசு தொடர்ந்த வழக்கு, செய்திதாள்கள் மூலமே, அரசியல் சாசனத்தின்படி மாநிலத்தின் தலைமை பொறுப்பில் இருக்கும் எனக்கு தெரியவந்தது.
கேரள அரசு உச்சநீதிமன்றத்திற்கு சென்றதில் எந்த பிரச்னையும் இல்லை. ஆனால், அரசியலமைப்பு தலைவருக்கு தெரிவிக்காமல், அவர்கள் செய்தது முறையற்றது . இது நெறிமுறை மீறல். தெளிவாக சொல்கிறேன். நான் ஒன்றும் ரப்பர் ஸ்டாம்ப் அல்ல. இவ்வாறு அவர் கூறியுள்ளார்.

LEAVE A REPLY