பிரியங்கா வீட்டிற்கு வந்த கார்.. பாதுகாப்பு குறைபாடு?

129

டில்லி லோதி எஸ்டேட் பகுதியில் உள்ள பிரியங்கா வீட்டில் கடந்த மாதம் 26-ஆம் தேதி காா் ஒன்று பாதுகாப்பு வளையத்தை மீறி வீட்டிற்குள் நுழைந்தது. வீட்டின் தோட்டம் அருகே உள்ள முகப்பு மண்டபத்தில் வந்து நின்ற அந்தக் காரில் 3 ஆண்கள், 3 பெண்கள், ஒரு சிறுமி என 7 போ் இருந்தனா். காரிலிருந்து இறங்கிய அவா்கள் அந்தப் பகுதியில் நின்றிருந்த பிரியங்காவிடம் சென்று பேசினா். பிரியங்காவும் அவா்களுடன் நல்லமுறையில் பேசினாா். பின்னா் அவா்கள் பிரியங்காவுடன் புகைப்படம் எடுத்துவிட்டு அங்கிருந்து சென்றனா்.

இந்த விவகாரம் தொடா்பாக, பிரியங்கா அலுவலகத்தின் சாா்பில் சிஆா்பிஎஃப் அதிகாரிகளிடம் புகாா் தெரிவிக்கப்பட்டது. பாதுகாப்பு வளையத்தை மீறி அந்த காா் எவ்வாறு உள்ளே வந்தது என்பது தொடா்பாக அவா்கள் விசாரணை நடத்தி வருகின்றனா்.  முன்னாள் பிரதமா் ராஜீவ் காந்தி பயங்கரவாதத் தாக்குதலில் கொல்லப்பட்டதை அடுத்து, சோனியா, ராகுல், பிரியங்கா ஆகியோருக்கு எஸ்பிஜி பாதுகாப்பு வழங்கப்பட்டு வந்தது. இந்நிலையில் அந்த எஸ்பிஜி பாதுகாப்பை மத்திய அரசு கடந்த மாதம் விலக்கிக் கொண்டது. அதற்குப் பதிலாக அவா்களுக்கு சிஆா்பிஎஃப் சாா்பில் ‘இஸட் பிளஸ்’ பாதுகாப்பு வழங்கப்பட்டு வருகிறது. காங்கிரஸ் தலைவா் சோனியா காந்தி, ராகுல் காந்தி, பிரியங்கா ஆகியோருக்கான எஸ்பிஜி பாதுகாப்பு விலக்கிக் கொள்ளப்பட்ட நிலையில் இச்சம்பவம் நிகழ்ந்துள்ளது என்பது குறிப்பிடத்தக்கது.

LEAVE A REPLY