மாநிலம்

காதல் திருமண ஜோடி கல்லால் அடித்துக் கொலை

November 8, 2019

172

கர்நாடகா மாநிலம் கடக் மாவட்டம் லக்காலாகட்டி என்ற கிராமத்தை சேர்ந்தவர்கள் ரமேஷ் மாதர்- கங்கம்மா. இவர்கள் இருவரும் காதலித்து வந்தனர். ரமேஷ் வேறு சாதி என்பதால் பெண் வீட்டில் எதிர்ப்பு தெரிவித்தனர்.

இதையடுத்து கடந்த 2015-ம் ஆண்டு பெற்றோர் எதிர்ப்பை மீறி திருமணம் செய்த அவர்கள் தலைமறைவாயினர். பல்வேறு இடங்களில் கூலி வேலை செய்த அவர்களுக்கு தற்போது 2 குழந்தைகள் உள்ளனர்.

இந்நிலையில், இருவரும் 4 ஆண்டுக்கு பின் கடந்த 6 ஆம் தேதி சொந்த ஊருக்கு வந்தனர். ஊருக்குள் நுழையும் போதே அவர்களை கிராம மக்கள் கற்களால் சரமாரியாக தாக்கினர். இதில் பலத்த காயமடைந்து இருவரும் சம்பவ இடத்திலேயே துடிதுடித்து உயரிழந்தனர். இது குறித்து போலீசார் விசாரணை நடத்தி வருகின்றனர்.