தனுஷின் பட்டாஸ் வெடிக்குமா? நாளை தெரியும்……

156
துரை செந்தில்குமார் இயக்கத்தில் தனுஷ் நடித்துள்ள பட்டாஸ் நாளை ரிலீஸாக உள்ளது. வெற்றிமாறன் இயக்கத்தில் தனுஷ் நடித்த அசுரன் படம் 100 நாட்கள் ஓடி வெற்றி கண்டுள்ள நிலையில் பட்டாஸ் வெளியாவதால் பெரும் எதிர்பார்ப்பு உள்ளது. இந்நிலையில் பட்டாஸ் படத்தை ஏன் பார்க்க வேண்டும் என்று பார்ப்போம். முதல் காரணம் தனுஷ். மேலும் அப்பா, மகன் என்று இரண்டு வேடங்கள் உள்ளது.

புதுப்பேட்டை படத்திற்கு பிறகு சினேகா தனுஷ் ஜோடியாக நடித்துள்ளார். மேலும் மெஹ்ரீன் பிர்சாதா ஜாலியான ஹீரோயினாக நடித்துள்ளார். மெஹ்ரீன், தனுஷ் வரும் காட்சிகளை பார்ப்போர் விழுந்து, விழுந்து சிரிப்பார்கள் என்று கூறப்படுகிறது. நம்ம தனுஷுக்கு ஆக்ஷன் மட்டும் அல்ல காதலும் செமயாக வரும். அந்த காதலை பார்க்கவும் பட்டாஸை பார்க்கலாம்.

அப்பா தனுஷ் ரொம்ப சீரியஸாகவும், மகன் படு ஜாலியாகவும் இருப்பது போன்று ட்ரெய்லரில் காட்டியிருந்தார்கள். அப்பா, மகனாக தனுஷ் என்ன வித்தியாசம் காட்டியுள்ளார் என்பதை பார்க்க வேண்டும். துரை செந்தில்குமார் இயக்கத்தில் தனுஷ் மீண்டும் அதுவும் இரட்டை வேடத்தில் நடித்திருப்பதாலும் எதிர்பார்ப்பு எக்கச்சக்கமாக உள்ளது. விவேக், மெர்வின் இசையில் பாடல்கள் சூப்பர் ஹிட்.

பட்டாஸ் படத்தின் டிக்கெட் முன்பதிவு பயங்கரமாக நடந்துள்ளது. தனுஷ் நடித்த படங்களிலேயே பட்டாஸுக்கு தான் அதிக அளவில் டிக்கெட் முன்பதிவு நடந்துள்ளது. மக்கள் அப்படி ஆர்வமாக டிக்கெட் எடுத்துள்ளதால் படத்தில் அப்படி என்ன இருக்கிறது என்பதை பார்க்கும் ஆவல் அதிகரித்துள்ளது. மேலும் பொங்கல் ஸ்பெஷலாக தர்பாரை அடுத்து பட்டாஸ் தான் வருகிறது. அதனால் பட்டாஸ் தர்பாரை ஓரங்கட்டுமா, அந்த அளவுக்கு வெயிட் இருக்கா என்பதை பார்க்க பெரிய கூட்டமே உள்ளது.

Image result for மெஹ்ரீனோஜிகிடி கில்லாடி பாடலை படமாக்கியபோது காரை மெஹ்ரீன் ஓட்ட வேண்டும் என்று டான்ஸ் மாஸ்டர் கூறியிருக்கிறார். மெஹ்ரீனோ தனக்கு கார் ஓட்டத் தெரிந்தும் தெரியாது என்று தனுஷிடம் பொய் சொல்லியிருக்கிறார். இருப்பினும் மாஸ்டர் மெஹ்ரீன் தான் ஓட்ட வேண்டும் என்று கூற தனுஷ் கதவோரம் அமர்ந்திருக்கிறார். ஏதாவது ஆனால் குதிக்க வசதிாக அப்படி அமர்ந்திருக்கிறார். தனுஷின் பயத்தை புரிந்து கொண்ட மெஹ்ரீன் பிரேக் எது என்று கேட்டு அதிர வைத்துள்ளார். அதற்கு தனுஷ், என் வாழ்க்கை மிகவும் முக்கியம். இன்னும் செய்ய வேண்டியது நிறைய இருக்கு என்று கூற மெஹ்ரீனோ, என் வாழ்க்கையும் தான் ரொம்ப முக்கியம், நீங்களாவது நிறைய சாதித்துவிட்டீர்கள், நான் இனிமேல் தான் சாதிக்கணும் என்று கூறி கலாய்த்துள்ளார். இந்த காட்சிக்காகவும் படத்தை பார்க்க வேண்டும்.

LEAVE A REPLY