இந்தியா முழுவதும் இன்று குழந்தைகள் தினம் கொண்டாடப்படுகிறது. இதையொட்டி புதுக்கோட்டை மாவட்ட ஆட்சியரகத்தில், குழந்தைகள் நலன் மற்றும் சிறப்புச் சேவைகள் துறையின் சார்பில், மாவட்ட குழந்தைகள் பாதுகாப்பு அலகு மூலம், தேசிய குழந்தைகள் தினம், நவம்பர்-19 உலக குழந்தை துன்புறுத்தல் பாதுகாப்பு தினம் மற்றும் நவம்பர்-20 சர்வதேச குழந்தைகள் தினத்தை முன்னிட்டு விழிப்புணர்வு பேரணி நடந்தது. இதனை மாவட்ட ஆட்சித்தலைவர் மு.அருணா, இன்று (14.11.2024) துவக்கி வைத்து, குழந்தைகளுக்கான பாதுகாப்பு குறித்த அரண் புத்தகம் 1 வெளியிட்டார்.
இந்த நிகழ்ச்சியில் மாவட்ட வருவாய் அலுவலர் அ.கோ.ராஜராஜன் அவர்கள், மாவட்ட ஆட்சியரின் நேர்முக உதவியாளர் (பொது).முருகேசன் மற்றும் அரசு அலுவலர்கள் பலர் கலந்து கொண்டனர்.