திருச்சி பஞ்சப்பூர் பேருந்து நிலையத்தில் ஏ ஐ டி யூ சி யை சேர்ந்த ஆட்டோ தொழிலாளர்கள் பேருந்து வரும் பின்புற பாதையில் ஆட்டோக்களை நிறுத்தி மறியல் போராட்டம். இதனால் உள்ளே வரக்கூடிய பேருந்துகள் வர முடியாமத நிலை ஏற்பட்டுள்ளது. காவல்துறையினர் பேருந்துகள் வெளியே வரும் பாதையில் அனைத்து பேருந்துகளையும் உள்ளே அனுப்பி போக்குவரத்து நெரிசலை சமாளித்து வருகின்றனர். ஆட்டோ தொழிலாளர்கள் தங்களுக்கு முறையாக ஆட்டோ நிறுத்துவதற்கான ஸ்டாண்ட் உள்ளிட்டவைகளை அமைத்து தர வேண்டும் என இரண்டு மாதமாக கோரிக்கை வைத்துள்ளோம். ஆனால் இதுவரை மாவட்ட ஆட்சியர் ,மாநகராட்சி ஆணையர் மற்றும் நகராட்சி நிர்வாகத் துறை அமைச்சர் நடவடிக்கை எடுக்காததால் இந்த போராட்டத்தை தொடங்கியுள்ளதாக தெரிவித்துள்ளனர். ஆட்டோ தொழிற்சங்கங்களுக்கு இடையே மோதல் உருவாகி இருவருக்கு அரிவாள் வெட்டு விழுந்துள்ளது.இரண்டு பேர் காயம் .செய்தி சேகரிக்க சென்ற தொலைக்காட்சி செய்தியாளருக்கு காவல்துறை மிரட்டல் விடுத்துள்ளனர்
கடந்த 2 மாதமாக ஆட்டோ ஓட்டுநர் சங்கத்தினர் இடையே திருச்சி பஞ்சப்பூர் பேருந்து நிலையத்தில் முன்புறமும் ,பின் புறமும் நிறுத்தி பயணிகளை ஏற்றுவதில் முறையாக எந்த வசதியும் செய்யாமல் இருப்பதால் சிறு மோதல் உருவாகிக் கொண்டிருந்தன. இன்று ஆட்டோ தொழிற்சங்களுக்கிடையே மோதல் உருவாகி இரண்டு பேருக்கு அரிவாள் வெட்டு விழுந்துள்ளது. இரண்டு பேர் காயம் அடைந்து 
தற்பொழுது ஆம்புலன்ஸ் மூலம் மருத்துவமனைக்கு சிகிச்சைக்கு அனுமதிக்கப்பட்டுள்ளனர் .எடமலைப்பட்டி புதூர் போலீசார் சம்பவ இடத்திற்கு வந்த பொழுது செய்தி சேகரித்துக் கொண்டிருந்த தனியார் தொலைக்காட்சி செய்தியாளருக்கு மிரட்டல் விடுத்துள்ள சம்பவம் நிகழ்ந்துள்ளது. இந்த தாக்குதலில் காயம் அடைந்தவர்கள் விபரம் குமார், (அருண் குமார்) என்பவருக்கு வெட்டு காயம் ஏற்பட்டது.மேலும்
சேக்,ராம் குமார் இரண்டு பேருக்கு காயம் ஏற்பட்டு அரசு மருத்துவமனையில் அனுமதிக்கப்பட்டனர். இந்த சம்பவம் தொடர்பாக திருச்சி பஞ்சப்பூர் பேருந்து நிலையம் பதட்டத்துடன் காணப்பட்டது.
இந்த நிலையில் பஞ்சப்பூர் பேருந்து நிலையத்திற்கு வெளியே ஆட்டோ ஓட்டுநர்களுக்குள் அடிதடி நடந்த நிலையில் திருச்சி சென்னை தேசிய நெடுஞ்சாலையில் ஆட்டோ ஓட்டுநர்கள் சாலை மறியல் போராட்டத்தில் ஈடுபட்டனர்.. இதன் நிலையில் சம்பவ இடத்திற்கு விரைந்து வந்த மாநகர காவல் ஆணையர் காமினி, மற்றும் துணை ஆணையர் ஈஸ்வரன், உதவி ஆணையர் யாஸ்மின் ஆகியோர் போராட்டத்தில் ஈடுபட்ட ஆட்டோ ஓட்டுநர்கள் மீது லேசான தடியடி நடத்தி கலைத்தனர். மூன்று பேரை காவல்துறையினர் பிடித்து போலீஸ் வேனில் ஏற்றினர் திருச்சி மதுரை தேசிய நெடுஞ்சாலையில் போக்குவரத்தை சரி செய்து காவல் துறையினர் தொடர்ந்து பாதுகாப்பில் ஈடுபட்டு வருகின்றனர் ஆட்டோ தொழிற்சங்கங்கள் இடையிலான மோதல் விவகாரம் பஞ்சப்பூர் பேருந்து நிலையத்தை சுற்றி நான்கு மணி நேரம் நீடித்ததால் சிறிது பதட்டம் ஏற்பட்டது.