நெட்பிளிக்ஸ் தொடரில் கலக்கும் இந்திய பில்லியனர் (Desi Bling Netflix Series)
“பணம் ஒன்றும் கடவுள் இல்லை, ஆனால் கடவுளுக்குக் குறைவானதும் இல்லை!” – இது துபாயில் வாழும் இந்தியப் பிரமுகர்களின் ஆடம்பர வாழ்க்கையை விவரிக்கும் நெட்பிளிக்ஸ் (Netflix) தொடரான ‘டெசி பிளிங்’-ல் அறிமுகமாகும் சதிஷ் சன்பாலின் (Satish Sanpal) அதிரடி பஞ்ச் வசனம்.
மத்தியப் பிரதேசத்தின் ஜபல்பூரைச் சேர்ந்த சதிஷ், வெறும் 80,000 ரூபாயுடன் தொழில் தொடங்கி தோல்வியடைந்தவர். ஆனால், தனது 20-வது வயதில் துபாய்க்குப் புலம்பெயர்ந்து, தங்கம் மற்றும் ரியல் எஸ்டேட் தொழிலில் நுழைந்து, இன்று ‘அனாக்ஸ் ஹோல்டிங்ஸ்’ (ANAX Holdings) என்ற மாபெரும் குழுமத்தின் தலைவராகவும், துபாயின் முன்னணி பில்லியனராகவும் உருவெடுத்துள்ளார். இவரது மொத்த சொத்து மதிப்பு சுமார் 14,000 கோடி ரூபாய் (1.5 பில்லியன் டாலர்) ஆகும்.
உலகின் மிக உயரமான புர்ஜ் கலீஃபாவில் பிரம்மாண்ட இல்லம் (Burj Khalifa Home)
சதிஷ் மற்றும் அவரது மனைவி தபிந்தா (Tabinda) வசிக்கும் வீடு, உலகின் மிக உயரமான கட்டிடமான புர்ஜ் கலீஃபாவிற்குள் (Burj Khalifa) அமைந்துள்ளது. மிக உயரமான கூரைகள், பிரம்மாண்டமான கண்ணாடி ஜன்னல்கள் மற்றும் வெளிர் நிற உள் அலங்காரங்களுடன் (Pastel Interiors) அரண்மனை போல இந்த வீடு காட்சியளிக்கிறது.
இதுமட்டுமின்றி, துபாயின் மிக விலையுயர்ந்த பகுதியான ‘துபாய் ஹில்ஸ்’-ல் பல கோடி மதிப்புள்ள பங்களாவும், லண்டனில் சொத்துக்களும் இவர்களுக்கு உள்ளன.
40 கிலோ தங்கம் வைத்திருக்கும் ‘கோல்டு குயின்’ தபிந்தா!
இந்தத் தம்பதியின் தங்கம் மீதான காதல் உலகப் பிரசித்தி பெற்றது. “என்னுடைய பத்தாவது திருமண நாளான்று தபிந்தாவை தங்கத்தால் எடை போடப் போகிறேன்” என்று சதிஷ் பெருமையாகக் கூறுகிறார்.
தற்போது தபிந்தாவிடம் மட்டுமே சுமார் 40 கிலோ தங்கம் உள்ளது. ஒவ்வொரு தனத்திரயோதசி (Dhanteras) பண்டிகையின் போதும் சதிஷ் தனது மனைவிக்கு 3 கிலோ தங்க நகைகளைப் பரிசாக வழங்குவதை வழக்கமாகக் கொண்டுள்ளார்.
ஒரு வயது குழந்தைக்கு தங்கத் தட்டு மற்றும் ரூ.5.8 கோடி ரோல்ஸ் ராய்ஸ் கார்!
இவர்களது ஆடம்பரம் இத்துடன் நின்றுவிடவில்லை. இவர்களது ஒரே மகளான பெல்லா (Bella) பிறப்பதற்கு முன்பே, அவருக்காகத் தங்கக் குவளை, தங்கக் கரண்டி மற்றும் தங்கத் தட்டுகளை சதிஷ் பிரத்யேகமாகச் செய்து வைத்துள்ளார்.
பெல்லாவின் முதலாவது பிறந்தநாளை முன்னிட்டு, அவளுக்கு 5.8 கோடி ரூபாய் மதிப்புள்ள இளஞ்சிவப்பு நிற (Pink) ரோல்ஸ் ராய்ஸ் காரை சதிஷ் பரிசாக வழங்கியுள்ளார். இவர்களது கார் சேகரிப்பில் 35 கோடி ரூபாய் மதிப்புள்ள புகாட்டி சிரோன் (Bugatti Chiron) மற்றும் ஐந்துக்கும் மேற்பட்ட ரோல்ஸ் ராய்ஸ் கார்கள், ஒரு சொகுசு உல்லாசக் கப்பல் (Private Yacht) ஆகியவை அடங்கும். இவர்களின் இந்த அதிஆடம்பர வாழ்க்கை முறை தற்போது சமூக வலைத்தளங்களில் விவாதப் பொருளாக மாறியுள்ளது.