வடக்கு உள் கர்நாடகா முதல் மன்னார் வளைகுடா வரை நீளும் காற்றழுத்த தாழ்வு பாதை மற்றும் ஆந்திரா, ராயலசீமா பகுதிகளில் நிலவும் வளிமண்டல சுழற்சி காரணமாக தமிழகத்தில் இன்று கனமழை பெய்யக்கூடும் என சென்னை வானிலை மையம் தெரிவித்துள்ளது. நீலகிரி, கோவை, கள்ளக்குறிச்சி, திருவண்ணாமலை, கிருஷ்ணகிரி, தர்மபுரி, வேலூர், திருப்பத்தூர், ராணிப்பேட்டை மாவட்டங்களில் இடி மின்னல், பலத்த காற்றுடன் கூடிய கனமழை பெய்யும். மேற்கு தொடர்ச்சி மலை மாவட்டங்கள் மற்றும் பிற மாவட்டங்களில் மிதமான மழையும் பெய்ய வாய்ப்புள்ளது.
