ஈரான் வான்வெளியில் சிதறிய அமெரிக்காவின் ‘மாஸ்’ விமானங்கள்! எஃப்-35 மற்றும் ரீப்பர் ட்ரோன்கள் உள்பட 42 போர் விமானங்கள் சேதம்!
மத்திய கிழக்கு நாட்டில் நீடித்து வரும் அமெரிக்கா – ஈரான் போர் உலகையே பதற்றத்தில் ஆழ்த்தியுள்ள நிலையில், அமெரிக்க ராணுவத்திற்கு ஏற்பட்டுள்ள மிகப்பெரிய இழப்பு குறித்த அதிர்ச்சிகரமான அறிக்கை ஒன்று வெளியாகியுள்ளது. ஈரான் மீது கடந்த பிப்ரவரி 28 அன்று அமெரிக்கா தொடங்கிய ‘ஆபரேஷன் எபிக் பியூரி’ (Operation Epic Fury) ராணுவ நடவடிக்கையின் போது, அமெரிக்காவின் அதிநவீன ரகசிய போர் விமானங்கள் மற்றும் ட்ரோன்கள் உள்பட குறைந்தது 42 ராணுவ விமானங்கள் அழிக்கப்பட்டோ அல்லது பலத்த சேதமடைந்தோ உள்ளதாக அதிகாரப்பூர்வ அறிக்கை கூறுகிறது.
அமெரிக்க நாடாளுமன்றத்தின் ‘சிஆர்எஸ்’ (CRS) அறிக்கை வெளியிட்ட உண்மை!
அமெரிக்க நாடாளுமன்றத்திற்கு (US Congress) கொள்கை மற்றும் சட்ட ஆய்வுகளை வழங்கும் மதிப்புமிக்க ‘காங்கிரஷனல் ரிசர்ச் சர்வீஸ்’ (CRS) இந்த திடுக்கிடும் அறிக்கையை வெளியிட்டுள்ளது. பென்டகன் (Pentagon) மற்றும் அமெரிக்க மத்திய கட்டளையகம் (CENTCOM) வெளியிட்ட அதிகாரப்பூர்வ தரவுகள் மற்றும் பாதுகாப்பு ஊடகங்களின் செய்திகளை ஆய்வு செய்து இந்த பட்டியல் தயாரிக்கப்பட்டுள்ளது. தற்போதைய போர்ச் சூழல் மற்றும் பாதுகாப்பு காரணங்களால் இந்த விபரங்கள் மேலும் மாறக்கூடும் என்றும் அந்த அறிக்கை எச்சரித்துள்ளது.
காலி செய்யப்பட்ட அமெரிக்காவின் அதிநவீன விமானங்கள் எவை?
ஈரானிய படைகளின் கடுமையான தாக்குதலில் அமெரிக்கா இழந்த முக்கிய போர் விமானங்களின் பட்டியல் இதோ:
F-35A லைட்னிங் II (F-35A Lightning II): உலகின் மிக அதிநவீன ஸ்டெல்த் (Stealth) ரக போர் விமானம் – 1
MQ-9 ரீப்பர் ட்ரோன்கள் (MQ-9 Reaper Drones): அமெரிக்காவின் மிக முக்கிய உளவு மற்றும் தாக்குதல் ட்ரோன்கள் – 24
F-15E ஸ்டிரைக் ஈகிள் (F-15E Strike Eagle): அதிவேக போர் விமானங்கள் – 4
KC-135 ஸ்டிராடோடாங்கர் (KC-135 Stratotanker): நடுவானில் எரிபொருள் நிரப்பும் விமானங்கள் – 7
E-3 சென்ட்ரி அவாக்ஸ் (E-3 Sentry AWACS): வான்வழி எச்சரிக்கை மற்றும் கட்டுப்பாட்டு விமானம் – 1
கட்டுக்கடங்காமல் எகிறும் போர்ச் செலவு! ஈரான் போரால் அமெரிக்காவுக்கு 29 பில்லியன் டாலர் இழப்பு!
ஈரானுக்கு எதிரான போர் அமெரிக்காவின் ராணுவ பலத்தை மட்டுமல்லாமல், அதன் பொருளாதாரத்தையும் கடுமையாக உலுக்கி வருகிறது. அதிநவீன ஏவுகணைகள் மற்றும் வான் பாதுகாப்பு அமைப்புகளைக் கொண்டு ஈரான் நடத்திய எதிர்த்தாக்குதல்களால் அமெரிக்காவின் போர் தளவாடங்கள் பெருமளவில் சேதமடைந்துள்ளன.
29 பில்லியன் டாலரைத் தாண்டிய பென்டகன் பட்ஜெட்!
கடந்த மே 12 அன்று அமெரிக்க நாடாளுமன்றத்தின் நிதிக்கைக்குழு கூட்டத்தில் பேசிய பென்டகனின் இடைக்கால கணக்கு அதிகாரி ஜூல்ஸ் டபிள்யூ ஹர்ஸ்ட் III (Jules W Hurst III), ஈரானில் நடந்து வரும் ராணுவ நடவடிக்கைகளுக்கான அமெரிக்காவின் தோராயமான செலவு மதிப்பீடு 29 பில்லியன் டாலராக (இந்திய மதிப்பில் சுமார் ₹2,41,000 கோடி) உயர்ந்துள்ளதாக ஒப்புக்கொண்டுள்ளார்.
இந்த அசுரத்தனமான நிதி உயர்வு குறித்து அவர் பேசுகையில், “போரில் சேதமடைந்த அதிநவீன ராணுவ உபகரணங்களை மீண்டும் பழுதுபார்ப்பதற்கும், முற்றிலும் அழிக்கப்பட்ட போர் விமானங்களுக்குப் பதிலாக புதிய விமானங்களை மாற்றுவதற்கும் (Repair or Replacement Costs) இமாலயத் தொகை தேவைப்படுகிறது. இதுவே பட்ஜெட் எகிற மிக முக்கிய காரணம்” என்று தெரிவித்துள்ளார்.
ஈரானின் பதிலடி மற்றும் எச்சரிக்கை!
அமெரிக்காவின் இந்த ரகசிய ராணுவ இழப்பு அறிக்கை வெளியானதைத் தொடர்ந்து, ஈரானின் வெளியுறவு அமைச்சர் இந்த அறிக்கையைச் சமூக ஊடகங்களில் பகிர்ந்துள்ளார். அமெரிக்க படைகளுக்கு ஏற்பட்டுள்ள இந்த இழப்பு ஈரானின் தற்காப்புத் திறனுக்குக் கிடைத்த வெற்றி என்று அவர் குறிப்பிட்டுள்ளார். மேலும், அமெரிக்கா மீண்டும் தனது ஆக்கிரமிப்பு அல்லது விரோதப் போக்கைத் தொடர்ந்தால், இதைவிடக் கடுமையான மற்றும் பலமடங்கு வீரியமிக்க பதிலடியைச் சந்திக்க நேரிடும் என்றும் ஈரான் பகிரங்கமாக எச்சரித்துள்ளது.