தமிழ்நாடு முதலமைச்சராகப் பொறுப்பேற்ற பிறகு, முதலமைச்சர் விஜய் மேற்கொள்ளும் முதல் அதிகாரப்பூர்வ டெல்லி பயணம் இதுவாகும்.
இன்று மாலை பிரதமர் நரேந்திர மோடியை அவரது இல்லத்தில் சந்தித்துப் பேசுகிறார். முதலமைச்சராகப் பொறுப்பேற்ற பின் பிரதமரை அவர் சந்திப்பது இதுவே முதல்முறை.
இச்சந்திப்பின் போது, தமிழ்நாட்டின் வளர்ச்சித் திட்டங்கள், நிதி ஆதாரங்கள் மற்றும் மேகதாது அணை விவகாரம் உள்ளிட்ட மாநில நலன் சார்ந்த முக்கியக் கோரிக்கைகள் அடங்கிய மனுவை பிரதமரிடம் அவர் வழங்க உள்ளதாகத் தகவல்கள் தெரிவிக்கின்றன.
தலைவர்களுடன் சந்திப்பு: டில்லி பயணத்தின் போது குடியரசுத் தலைவர் திரௌபதி முர்மு, மத்திய அமைச்சர்கள் அமித் ஷா, நிர்மலா சீதாராமன் ஆகியோரையும், காங்கிரஸ் தலைவர்கள் மல்லிகார்ஜுன கார்கே, சோனியா காந்தி, ராகுல் காந்தி ஆகியோரையும் முதலமைச்சர் விஜய் சந்திக்க வாய்ப்புள்ளதாகக் கூறப்படுகிறது.
திருவள்ளுவர் சிலை திறப்பு: டில்லி ஜவஹர்லால் நேரு பல்கலைக்கழகத்தில் (JNU) தமிழ்நாடு அரசு சார்பில் நிறுவப்பட்டுள்ள திருவள்ளுவர் சிலையையும் அவர் திறந்து வைக்க உள்ளார்.
முதலமைச்சரின் இந்த டில்லி பயணம் அரசியல் மற்றும் நிர்வாக ரீதியாகப் பெரும் எதிர்பார்ப்பை ஏற்படுத்தியுள்ளது.