கர்நாடக மாநிலம் பெங்களூர் மாநகரின் சிக்கபானவரா பகுதியைச் சேர்ந்த கல்லூரி மாணவி தேஜூ (வயது 20), தனது காதலுக்குப் பெற்றோர் கடுமையான எதிர்ப்பு தெரிவித்ததால் ஏற்பட்ட மன உளைச்சலில் சாங்கி ஏரியில் குதித்து தற்கொலை செய்துகொண்டார். இச்சம்பவம் குறித்து வழக்குப் பதிவு செய்துள்ள உள்ளூர் போலீசார், ஏரியில் இருந்து மாணவியின் உடலை மீட்டு தீவிர விசாரணை நடத்தி வருகின்றனர்.
மனவேதனையின் உச்சக்கட்டத்தை அடைந்த மாணவி தேஜூ, நேற்று Malleshwaram பகுதியில் உள்ள வரலாற்றுச் சிறப்புமிக்கச் சாங்கி ஏரிக்குச் சென்றுள்ளார். ஏரியில் குதிப்பதற்குச் சற்று நேரத்திற்கு முன்பாக, அவர் தனது காதலனின் வாட்ஸ்-அப் எண்ணிற்கு “எனக்கு இனி வாழப் பிடிக்கவில்லை” என்று ஒரு உருக்கமான குறுஞ்செய்தியை அனுப்பியுள்ளார். இந்த மெசேஜைக் கண்டு அதிர்ச்சியடைந்த காதலன் மற்றும் உறவினர்கள் தேடுவதற்குள், தேஜூ ஏரித் தண்ணீரில் குதித்துத் தனது உயிரை மாய்த்துக் கொண்டார். தகவலறிந்து சம்பவ இடத்திற்கு விரைந்து வந்த மல்லேஸ்வரம் போலீசார் மற்றும் தீயணைப்புப் படையினர் ஏரியிலிருந்து மாணவியின் உடலை மீட்டுப் பிரேத பரிசோதனைக்காக அனுப்பி வைத்தனர். இச்சம்பவம் பெங்களூருவில் பெரும் பரபரப்பை ஏற்படுத்தியுள்ளது.