சக்தி சர்மா என்ற விமானப்படை பெண் அதிகாரி ‘ஏர் வைஸ் மார்ஷல்’ (Air Vice Marshal) பதவியை அடைந்துள்ளார். இதன் மூலம், இந்திய ஆயுதப் படைகளின் மருத்துவம் சாராத பிரிவைச் சேர்ந்த இப்பதவியை எட்டிய முதல் பெண் அதிகாரி என்ற பெருமையை அவர் பெற்றுள்ளார். அவர் ‘விமானப்படைத் தலைமையகத்தின் உதவித் தலைவர் (கல்வி)’ (Assistant Chief of the Air Staff – Education) என்ற பதவியை ஏற்றுக்கொண்டார். ஜூன் 1994-ல் இந்திய விமானப்படையின் கல்விப் பிரிவில் இணைந்த அவர், 3 தசாப்தங்களுக்கும் மேலாகச் சிறப்பான சேவையை ஆற்றியுள்ளார்.
