திருவள்ளூர் மாவட்டம் கொட்டையூர் அரசுப் பள்ளியில் மாணவர்களுக்கு வழங்கப்பட்ட காலை உணவில் பல்லி விழுந்து கிடந்தது கண்டுபிடிக்கப்பட்ட சம்பவம் அதிர்ச்சியை ஏற்படுத்தியுள்ளது. பல்லி விழுந்த நச்சு உணவைச் சாப்பிட்ட 30-க்கும் மேற்பட்ட மாணவர்களுக்குத் திடீரென உடல்நலக் குறைவு மற்றும் வாந்தி ஏற்பட்டது. இதனையடுத்து அவர்கள் உடனடியாக மீட்கப்பட்டுத் திருவள்ளூர் அரசு மருத்துவமனையில் சிகிச்சைக்காக அனுமதிக்கப்பட்டுள்ளனர்.
பள்ளி மாணவர்களுக்கு உணவுகள் தயாரித்து வழங்கப்படும் சமையலறைகளில் உரியச் சுகாதார நடைமுறைகளைப் பின்பற்றுவது மற்றும் உணவுப் பாதுகாப்பை உறுதி செய்வது இன்றியமையாத ஒன்றாகும். திருவள்ளூர் அருகே அரசுப் பள்ளியில் உணவில் பல்லி விழுந்து மாணவர்கள் பாதிக்கப்பட்டுள்ள நிகழ்வு பெற்றோர் மத்தியிலும் பொதுமக்கள் மத்தியிலும் பெரும் கவலையை ஏற்படுத்தியுள்ளது.