தமிழகத்தில் சட்டமன்ற உறுப்பினர்களின் (MLA) ஊதிய உயர்வு தொடர்பான திருத்தச் சட்டம் அதிகாரப்பூர்வமாக அமலுக்கு வந்தது. இது தொடர்பான அரசிதழ் (Gazette) வெளியிடப்பட்டுள்ளது.
தற்போது எம்எல்ஏக்களுக்கு மாத ஊதியமாக அனைத்து படிகளும் சேர்த்து ரூ.1,05,000 வழங்கப்பட்டு வருகிறது. புதிய திருத்தத்தின் படி, போக்குவரத்துப்படி (Transport Allowance): மாதம் ரூ.75,000, உதவியாளர் படி (Assistant Allowance): மாதம் ரூ.25,000…. இந்த இரண்டு படிகளும் சேர்த்து மொத்தம் ரூ.1 லட்சம் கூடுதலாக கிடைக்கும். இதனால் எம்எல்ஏக்களின் மொத்த மாத ஊதியம் ரூ.1,80,000 ஆக உயரும். (பழைய சம்பளம் + புதிய படிகள் வித்தியாசத்தில் கணக்கிடப்படுகிறது).
234 சட்டமன்ற உறுப்பினர்களுக்கும் இந்த உயர்வை வழங்குவதால், தமிழக அரசுக்கு ஆண்டுக்கு சுமார் ரூ.17 கோடி கூடுதல் செலவு ஏற்படும் என்று எதிர்பார்க்கப்படுகிறது. கடந்த சட்டமன்ற கூட்டத்தொடரில் இந்த சம்பள உயர்வு மசோதா நிறைவேற்றப்பட்ட நிலையில், தற்போது கெஜட்டில் வெளியாகி அதிகாரப்பூர்வமாக அமலுக்கு வந்துள்ளது.