இந்திய கிரிக்கெட் அணியின் முன்னாள் ஜாம்பவான் சச்சின் டெண்டுல்கர், தனது கிரிக்கெட் வாழ்க்கையில் பயன்படுத்திய புகழ்பெற்ற 25 பேட்களை மும்பையில் உள்ள MCA கிரிக்கெட் அருங்காட்சியகத்திற்குப் பரிசாக வழங்கியுள்ளார்.
இதில் சச்சின் தனது கிரிக்கெட் பயணத்தின் தொடக்கத்தில் பயன்படுத்திய முதல் கிரிக்கெட் பேட்டும் இடம்பெற்றுள்ளது. மேலும், தனது முதல் டெஸ்ட் சதத்தை அடித்தபோது பயன்படுத்திய பேட் மற்றும் 100-வது சர்வதேச சதத்தைப் பதிவு செய்தபோது பயன்படுத்திய பேட் ஆகியவையும் இந்தத் தொகுப்பில் இடம்பெற்றுள்ளன.
சச்சினின் கிரிக்கெட் வாழ்க்கையில் முக்கியமான மைல்கற்களாக அமைந்த தருணங்களுடன் தொடர்புடைய இந்த பேட்கள், இனி MCA கிரிக்கெட் அருங்காட்சியகத்தில் இடம்பெற உள்ளன.
கிரிக்கெட் வரலாற்றில் தனித்துவமான இடம்பிடித்த சச்சின் டெண்டுல்கரின் அரிய நினைவுப் பொருட்களை ரசிகர்கள் நேரில் பார்வையிடும் வாய்ப்பை இந்தப் பரிசளிப்பு ஏற்படுத்தியுள்ளது.
