திருத்தணி: முருகப்பெருமானின் 5ம் படை வீடாக சிறப்புபெற்ற திருத்தணி முருகன் கோயிலில் இன்று ஆடிக்கிருத்திகை தெப்பத் திருவிழா விழா கொண்டாடப்பட்டு வருகிறது. முருகருக்கு காவடிகள் செலுத்த தமிழகம் மட்டுமின்றி ஆந்திரா, கர்நாடக, பாண்டிச்சேரி உள்ளிட்ட பிற மாநிலங்களில் இருந்து பல்லாயிரக்கணக்கான பக்தர்கள் காலை முதலே திருத்தணி முருகன் கோயிலில் குவிந்து வருகின்றனர். பால் காவடி, பன்னீர் காவடி, புஷ்ப காவடி, அலகு குத்தி 365 படிகள் ஏறி மலைகோயில் வந்தனர். 3 மணி நேரம் பொது வரிசையில் காத்திருந்து முருகப்பெருமானை வழிபட்டனர். திருமலை திருப்பதி தேவஸ்தானம் சார்பில், முருகப்பெருமானுக்கு பட்டு வஸ்திரங்கள் சமர்ப்பிக்கப்பட்டது.
