பிரபல டைரக்டர் ஷங்கரின் மகள் அதிதி திரைப்படங்களில் காநாயகியாக நடித்து வருகிறார். அதிதி டாக்டருக்கு படித்திருந்தபோதிலும் இவர் தற்போது நடித்து வருகிறார். இந்த நிலையில் டைரக்டர் ஷங்கரின் மகன் அர்ஜித்தும் சினிமாவில் தடம் பதிக்க உள்ளார். டைரக்டர் அட்லி உதவியாளரின் படம் மூலம் ஹீரோவாக அறிமுகமாகவுள்ளார் அர்ஜித்.
அர்ஜித் ’மதராஸி’ படத்தில் ஏ.ஆர்.முருகதாஸிடம் உதவி இயக்குநராக பணிபுரிந்துள்ளார். தற்போது அவரை நாயகனாக அறிமுகமாக கதைகள் கேட்டு வந்தார்கள். இதற்காக பல்வேறு முன்னணி இயக்குநர்களும் கதைகள் கூறினார்கள்.
இறுதியாக, அட்லியிடம் உதவி இயக்குநராக பணிபுரிந்தவரின் கதையில் அர்ஜித்தை ஹீரோவாக அறிமுகம் செய்ய முடிவு செய்திருக்கிறார்கள். இதற்கான பணிகள் மும்முரமாக நடைபெற்று வருகின்றன. இப்படத்தினை பேஷன் ஸ்டூடியோஸ் நிறுவனம் தயாரிக்க முன்வந்துள்ளது. அக்கதைக்கு தகுந்தாற் போல் தன்னை மாற்றி வருகிறார் அர்ஜித். விரைவில் அர்ஜித் படம் குறித்த அதிகாரபூர்வ அறிவிப்பு வெளியாகும் என எதிர்பார்க்கப்படுகிறது.