குடிநீர் பிடிப்பதில் தகராறு…
திருச்சி கிராப்பட்டி அன்பு நகரைச் சேர்ந்தவர் பாலாஜி (31). இவர் கடந்த 28ஆம் தேதி எடமலைப்பட்டி புதூர் கொல்லங்குளம் பகுதியில் உள்ள தன் நண்பன் வீட்டிற்கு சென்றுள்ளார் அப்போது அங்கு தன் நண்பனின் தாயார் மற்றும் அப்பகுதியை சேர்ந்த சிலருக்கும் குடிநீர் பிடிப்பது தொடர்பாக தகராறு ஏற்பட்டுள்ளது. அப்போது பிரச்சனையை தீர்க்க சென்ற பாலாஜி மீது எதிர் தரப்பினர் தாக்குதல் நடத்தியுள்ளனர் தொடர்ந்து பூந்தோட்டியால் அவரை தலையில் தாக்கி காயப்படுத்தி உள்ளனர் இதில் காயமடைந்த பாலாஜி திருச்சி அரசு மருத்துவமனையில் சிகிச்சையில் உள்ளார் அவருக்கு தலையில் 9 தையல் போடப்பட்டுள்ளது இதுகுறித்து எடமலை பட்டி புதூர் போலீசார் வழக்கு பதிந்து அப்பகுதியை சேர்ந்த மணிகண்டன் 28 கோபால் 34 சந்திரன் 32 மற்றும் மணிகண்டன் 39 ஆகிய நான்கு பேரை கைது செய்து சிறையில் அடைத்தனர்.
பஞ்சபூரில் வாலிபரிடம் 1 லட்சம் பணம் பறிப்பு..
புதுக்கோட்டை மாவட்டம், பொன்னமராவதி மேல தெருவை சேர்ந்தவர் மேகராஜ் 44. இவர் கடந்த 28ம் தேதி வேலை காரணமாக திருச்சி வந்தார் அப்போது பஞ்சாபூர் பஸ் ஸ்டாண்டில் நடைமேடை ஆறு அருகே பொன்னமராவதி பஸ் ஏறும்போது அங்கு வந்த மர்ம நபர் இவரிடம் இருந்த கைப்பையில் இருந்து ரூ. 1 லட்சம் பணத்தை பறித்துக் கொண்டு தப்பிய ஓடினார். இதுகுறித்து எடமலை பட்டிப்புதூர் குற்றப்பிரிவு போலீசார் வழக்குப்பதிவு செய்து விசாரணை மேற்கொண்டு வருகின்றனர்.