செங்கல்பட்டு மாவட்டம், தாம்பரம் அருகே முடிச்சூர் பகுதியில் உள்ள வீட்டில் ஃபிரிட்ஜ் வெடித்து தீ விபத்து ஏற்பட்டது. வீட்டில் இருந்த 8 இளைஞர்கள், தீ பரவியதை அறிந்து உடனடியாக அறையை விட்டு வெளியேறியதால் அதிர்ஷ்டவசமாக உயிர் தப்பினர். ஃபிரிட்ஜ் வெடித்ததில் அறையில் இருந்த டிவி, மேஜை உள்ளிட்ட பல்வேறு பொருட்கள் தீயில் சேதமடைந்தன. தகவல் அறிந்து வந்த தீயணைப்பு வீரர்கள் தீயை அணைத்தனர். விபத்து குறித்து விசாரணை நடைபெற்று வருகிறது.
