வருவாய்த்துறை அமைச்சர் கே.கே.எஸ்.எஸ். ஆர். ராமச்சந்திரனின் மகன் ரமேஷ். நேற்று இவர் தி. நகரில் உள்ள ஏஜிஎஸ் தியேட்டரில் தனது மகனுடன்(அமைச்சரின் பேரன்) இரவு காட்சி சினிமா பார்க்க சென்றார். படம் ஓடிக்கொண்டிருந்தபோது அமைச்சரின் பேரன் அருகில் இருந்த 6 நபர்கள்(3பேர் பெண்கள்)கூச்சல் போட்டுக்கொண்டே இருந்தனர். அவர்களின் நடவடிக்கையை பார்த்தபோது அவர்கள் போதையில் இருந்திருக்கலாம் என ரசிகர்கள் கருதினர். இதனால் யாரும் அவர்களை கண்டிக்கவில்லை.
இந்த நிலையில் அமைச்சரின் பேரன் எழுந்து 6 பேரையும், சத்தம் போடாமல் படம் பாருங்கள் என கண்டித்து உள்ளார். இதனால் அந்த 6 பேரும் அமைச்சரின் பேரனையும், அமைச்சரின் மகன் ரமேசையும் சரமாரியாக தாக்கி விட்டு தியேட்டரில் இருந்து தப்பி ஓடிவிட்டனர். படுகாயமடைந்த இருவரும் சென்னையில் உள்ள ஒரு தனியார் ஆஸ்பத்திரியில் அனுமதிக்கப்பட்டனர்.
இந்த சம்பவம் குறித்து தேனாம்பேட்டை போலீசார் வழக்குப்பதிவு செய்து 6 பேரையும் தேடி வருகிறார்கள்.