புதுக்கோட்டை கோட்டாட்சியராக இருப்பவர் ஐஸ்வர்யா, இவர் இன்று காலை பணி நிமித்தமாக காரில் திருமயம் நோக்கி சென்று கொண்டிருந்தார். காரை டிரைவர் காமராஜ் ஓட்டினார். நமுணசமுத்திரம் அருகே சென்றபோது காருக்கு எதிரே அரசு பஸ்சும், பைக்கும் வந்தது.
பைக்கில் 2 வாலிபர்கள் இருந்தனர். அந்த பைக் அரசு பஸ்சை முந்திக்கொண்டு வந்து ஆர்டிஓ காரில் மோதியது- மோதிய வேகத்தில் பைக்கில் வந்த2 வாலிபர்களும் அந்த இடத்திலேயே இறந்தனர். இந்த விபத்தில் கார் டிரைவர் காமராஜ்க்கும் காலில் எலும்பு முறிவு ஏற்பட்டது.
இறந்தவர்கள் பெயர் விவரம் உடனடியாக கிடைக்கவில்லை.இது குறித்து தகவல் அறிந்ததும் போலீசார் சம்பவ இடத்திற்கு சென்று சடலங்களை கைப்பற்றி விசாரணை நடத்தினர். இந்த சம்பவம் அந்த பகுதியில் பரபரப்பை ஏற்படுத்தி உள்ளது.