ராமேஸ்வரம் மீனவர்கள் நடுக்கடலில் மீன்பிடித்துக் கொண்டிருந்தபோது, அவர்களது வலையில் 40 கிலோவுக்கும் அதிகமான எடை கொண்ட பிரம்மாண்டமான பச்சைக் கடல் ஆமை சிக்கியது.
அழிவின் அபாயத்தில் உள்ள இந்த அரியவகை கடல் ஆமை வலையில் சிக்கியதைக் கண்ட மீனவர்கள், அதனை கவனமாக மீட்டனர்.
பின்னர் ஆமைக்கு எந்தவித பாதிப்பும் ஏற்படாத வகையில் மீண்டும் கடலில் உயிருடன் விடுவித்தனர்.
அரியவகை கடல்வாழ் உயிரினத்தைப் பாதுகாப்பாக மீண்டும் கடலில் விடுவித்த மீனவர்களின் செயல் பாராட்டைப் பெற்றுள்ளது.