அரியலூர் அரசு போக்குவரத்து கழக பணிமனை வளாகத்தில் தமிழ்நாடு அரசு போக்குவரத்து கழக கும்பகோணம் கோட்டத்தை சேர்ந்த திருச்சி, கும்பகோணம், நாகப்பட்டினம், கரூர் ,புதுக்கோட்டை மற்றும் காரைக்குடி ஆகிய 6 மண்டலங்களில் பணிபுரிந்த காலத்தில் இறந்த பணியாளர்களின் 28 வாரிசுதாரர்களுக்கு( 2 ஓட்டுனர், 25 நடத்துனர் ,4 மகளிர் உட்பட ,1 தொழில்நுட்ப பணியாளர் ) கருணை அடிப்படையில் பணி நியமன ஆணைகளை போக்குவரத்து துறை அமைச்சர் சா. சி .சிவசங்கர் இன்று வழங்கினார்.
தொடர்ந்து அரியலூர் பழைய பேருந்து நிலையத்தில் 2 புதிய புறநகர பேருந்துகள் அரியலூர் -சென்னை கிளாம்பாக்கம் (வழி) குன்னம், வேப்பூர் மற்றும் அரியலூர்- சென்னை கிளாம்பாக்கம் (வழி )குன்னம், பெரம்பலூர் வழித்தடத்தினை போக்குவரத்து துறை அமைச்சர் . சா .சி .சிவசங்கர் கொடியசைத்து தொடங்கி வைத்தார்.
இந்த நிகழ்ச்சியில் அரியலூர் மாவட்ட ஆட்சித் தலைவர் . பொ. ரத்தினசாமி ,அரியலூர் சட்டமன்ற உறுப்பினர் கு. சின்னப்பா ,கும்பகோணம் கோட்ட நிர்வாக இயக்குனர் . இரா .பொன்முடி அவர்கள், திருச்சி மண்டல பொது மேலாளர் திரு .ஆ .முத்துகிருஷ்ணன் அவர்கள், பொது மேலாளர் (கூட்டமை தொழில்நுட்பம்) திரு. சிங்கார வேலன், துணை மேலாளர்கள் திரு. ரங்கராஜன், (மனிதவள மேம்பாடு) சுவாமிநாதன்,(தொழில்நுட்பம்) ,சுரேஷ் குமார்(வணிகம்) , ராமநாதன் (வணிகம் கூட்டாண்மை), ரவி (பணியாளர், சட்டம்)பரத் குமார்(பணியாளர் சட்டம்)மற்றும் தொழிற்சங்க பிரதிநிதிகள், போக்குவரத்து கழக பணியாளர்கள், உள்ளாட்சி அமைப்புகளின் பிரதிநிதிகள் ஆகியோர் கலந்து கொண்டனர்.