சென்னை : நாம் தமிழர் கட்சியின் தேர்தல் அறிக்கை வெளியீட்டைத் தொடர்ந்து, கட்சியின் ஒருங்கிணைப்பாளர் சீமான் இன்று செய்தியாளர்களைச் சந்தித்து முக்கிய பேட்டி அளித்தார். தமிழகத்தில் 2026 சட்டமன்றத் தேர்தல் களத்தில் “இரு முனை போட்டிதான்” என்று அவர் திட்டவட்டமாக தெரிவித்தார்.
சீமான் கூறியதாவது, “தமிழகத்தில் இரு முனை போட்டிதான் நடக்கிறது. தேர்தல் களத்தில் மற்ற மூவரும் (திமுக, அதிமுக, பாஜக) ஒரே முனையில் இருக்கிறார்கள். எதிர் முனையில் நான் இருக்கிறேன். விஜய்யின் வருகை நாம் தமிழர் கட்சியின் வாக்கு வங்கியை பாதிக்காது. நாம் தமிழர் தொண்டர்கள் பொழுதுபோக்கு தளத்தில் தலைவரை தேர்ந்தெடுக்க மாட்டார்கள். போராட்ட களத்தில்தான் தலைவரை தேர்ந்தெடுப்பார்கள்” என்றார்.
த.வெ.க தலைவர் அறிவித்த இலவச திட்டங்களை சீமான் கடுமையாக விமர்சித்தார். “அண்ணன் சீர், மாமன் சீர் எல்லாவற்றையும் சொந்த பணத்தில் கொடுக்க வேண்டும் என்று சொல்கிறார்கள். ஆனால் விஜய் அறிவித்த இலவசங்களுக்கு மாதம் ஒரு லட்சம் கோடி தேவைப்படுகிறது. எங்கிருந்து எடுத்து கொடுப்பார்கள்?” என்று கேள்வி எழுப்பினார்.நாம் தமிழர் கட்சி ஆட்சிக்கு வந்தால் சிலை கூண்டுகளில் இருந்து தலைவர்களின் சிலைகளை எடுக்கப்படும் என்றும், பஞ்சமி நிலங்கள் மீட்கப்படும் என்றும் சீமான் உறுதியளித்தார்.
மேலும், “சாதியை பார்த்து பழக மாட்டோம். அந்த எண்ணமே வராத அளவிற்கு இந்த சமூகத்தை மாற்றுவோம்” என்று அவர் தெரிவித்தார்.ஒட்டுமொத்தமாக, தேர்தல் அறிக்கை வெளியீட்டைத் தொடர்ந்து சீமான் அளித்த இந்த பேட்டி, தமிழக அரசியல் களத்தில் பெரும் கவனத்தை ஈர்த்துள்ளது. திமுக, அதிமுக, பாஜக கூட்டணிகளுக்கு இடையே “மூன்றாவது முனை”யாக நாம் தமிழர் கட்சி தனித்து நிற்கும் நிலைப்பாட்டை சீமான் மீண்டும் உறுதிப்படுத்தியுள்ளார். 2026 தேர்தலில் தமிழகம் “இரு முனை” போட்டியை சந்திக்கும் என்ற அவரது கருத்து அரசியல் விவாதங்களை தீவிரப்படுத்தியுள்ளது.