Corporate Fraud விசாரணை அமைப்பில் வேலை செய்ய விரும்புவோருக்கு சூப்பர் வாய்ப்பு
இந்திய அரசின் முக்கிய விசாரணை அமைப்பான Serious Fraud Investigation Office (SFIO) தற்போது Junior Consultant மற்றும் Young Professional பணியிடங்களுக்கான விண்ணப்பங்களை வரவேற்றுள்ளது. மத்திய கார்ப்பரேட் விவகாரங்கள் அமைச்சகத்தின் கீழ் செயல்படும் இந்த அமைப்பில் மொத்தம் 69 காலிப்பணியிடங்கள் அறிவிக்கப்பட்டுள்ளன.
Corporate fraud, financial scam, forensic audit மற்றும் corporate law தொடர்பான விசாரணைகளை நடத்தும் முக்கிய அமைப்பாக SFIO பார்க்கப்படுகிறது. தற்போது வெளியிடப்பட்டுள்ள இந்த வேலைவாய்ப்பு அறிவிப்பு சட்டம், நிதி மற்றும் நிர்வாக துறையில் அனுபவம் உள்ளவர்களுக்கு பெரிய வாய்ப்பாக கருதப்படுகிறது.
இந்த வேலைகள் short-term contract basis-ல் நிரப்பப்படவுள்ளதாக அறிவிக்கப்பட்டுள்ளது. இருப்பினும் சம்பள அளவு மற்றும் மத்திய அரசு அமைப்பில் பணியாற்றும் அனுபவம் காரணமாக இந்த வேலைவாய்ப்பு தற்போது இளைஞர்களிடையே பெரும் கவனத்தை ஈர்த்துள்ளது.
என்னென்ன பணியிடங்கள் அறிவிக்கப்பட்டுள்ளன?
சட்டம், நிதி, நிர்வாகம் – பல துறைகளில் காலிப்பணியிடங்கள்
SFIO வெளியிட்ட அறிவிப்பின்படி, Junior Consultant (Law), Young Professional (Law), Junior Consultant (Financial Analysis), Young Professional (Financial Analysis/Forensic Audit) மற்றும் Junior Consultant (General Administration) உள்ளிட்ட பல்வேறு பணியிடங்கள் நிரப்பப்பட உள்ளன.
பணியிட விபரங்கள்:
Junior Consultant (Law) – 11 இடங்கள்
Young Professional (Law) – 17 இடங்கள்
Junior Consultant (Financial Analysis) – 22 இடங்கள்
Young Professional (Financial Analysis) – 15 இடங்கள்
Junior Consultant (General Administration) – 4 இடங்கள்
மொத்தம் 69 காலிப்பணியிடங்கள் அறிவிக்கப்பட்டுள்ளன.
யார் விண்ணப்பிக்கலாம்?
Law Graduate முதல் CA வரை பலருக்கு வாய்ப்பு
Young Professional (Law) பணிக்கு Law Graduate பட்டம் மற்றும் குறைந்தது 1 வருட அனுபவம் அவசியமாக அறிவிக்கப்பட்டுள்ளது. அதேபோல் Junior Consultant (Law) பதவிக்கு Advocate ஆக இருந்து 3 முதல் 8 ஆண்டுகள் அனுபவம் இருக்க வேண்டும் என கூறப்பட்டுள்ளது.
Financial Analysis மற்றும் Forensic Audit பிரிவுகளுக்கு CA, ICWA அல்லது MBA (Finance) தகுதி கொண்டவர்கள் விண்ணப்பிக்கலாம். Corporate investigation அல்லது regulatory bodies-ல் அனுபவம் உள்ளவர்களுக்கு முன்னுரிமை வழங்கப்படும் என அறிவிக்கப்பட்டுள்ளது.
மேலும் General Administration பணிக்கு PhD, Master’s Degree அல்லது MBA தகுதி மற்றும் 3–8 வருட அனுபவம் தேவைப்படுகிறது.
மாதம் ₹60,000 முதல் ₹80,000 வரை ஊதியம்
இந்த வேலைவாய்ப்பில் தேர்வு செய்யப்படுவோருக்கு நல்ல சம்பளமும் வழங்கப்பட உள்ளது. Young Professional பணிக்கு மாதம் ₹60,000 வரை ஊதியம் வழங்கப்படும். Junior Consultant பதவிக்கு மாதம் ₹80,000 வரை சம்பளம் வழங்கப்படும் என அறிவிக்கப்பட்டுள்ளது.
அதேபோல் மத்திய அரசு அமைப்பில் பணியாற்றும் அனுபவம் கிடைப்பது எதிர்கால career growth-க்கும் உதவியாக இருக்கும் என நிபுணர்கள் கூறுகின்றனர். குறிப்பாக Corporate Law மற்றும் Financial Investigation துறைகளில் career உருவாக்க நினைப்போருக்கு இது முக்கிய வாய்ப்பாக பார்க்கப்படுகிறது.
விண்ணப்பிக்க கடைசி தேதி என்ன?
ஆன்லைனில் மட்டும் விண்ணப்பிக்க வேண்டும்
SFIO Recruitment 2026க்கான online registration ஏற்கனவே தொடங்கியுள்ளது. விண்ணப்பிக்க கடைசி தேதி 03 ஜூன் 2026 என அறிவிக்கப்பட்டுள்ளது.
விண்ணப்பதாரர்கள் அதிகாரப்பூர்வ SFIO இணையதளம் மூலம் ஆன்லைனில் மட்டுமே விண்ணப்பிக்க வேண்டும். தேர்வு shortlisting, interview மற்றும் document verification மூலம் நடைபெறும் என தெரிவிக்கப்பட்டுள்ளது.
இந்த வேலைவாய்ப்பு தற்போது law graduates, finance professionals மற்றும் forensic audit துறையில் உள்ளவர்களிடையே பெரும் எதிர்பார்ப்பை ஏற்படுத்தியுள்ளது. மத்திய அரசு அமைப்பில் உயர்ந்த சம்பளத்துடன் வேலை செய்ய விரும்புவோருக்கு இது ஒரு அரிய வாய்ப்பாக பார்க்கப்படுகிறது.