கரூரில் காவல்துறையினருக்கான கிரிக்கெட் போட்டி துவக்கம் – எஸ்.பி. ஹரி கிரண் பிரசாத் தொடங்கி வைத்தார்.
கரூர் மாவட்ட காவல்துறை சார்பில் காவலர்களின் உடல் தகுதி, மன உறுதி மற்றும் குழு ஒற்றுமையை மேம்படுத்தல், மன அழுத்தத்தை குறைக்கும் நோக்கில் ஆண்டுதோறும் பல்வேறு விளையாட்டுப் போட்டிகள் நடத்தப்பட்டு வருகின்றன.
அதன் ஒரு பகுதியாக, கரூர் மாவட்ட காவல் துறையினருக்கான கிரிக்கெட் போட்டி இன்று
மாவட்ட காவல் கண்காணிப்பாளர் அலுவலகம் அருகே உள்ள ஆயுதப்படை மைதானத்தில் கோலாகலமாக தொடங்கியது.
போட்டியை கரூர் மாவட்ட காவல் கண்காணிப்பாளர் ஹரி கிரண் பிரசாத் துவக்கி வைத்து வீரர்களுக்கு வாழ்த்து தெரிவித்தார்.
முதற்கட்டமாக ஆண் காவலர்களுக்கான கிரிக்கெட் போட்டிகள் நடைபெற்ற நிலை
யில், தொடர்ந்து பெண் காவலர்களுக்கான போட்டிகளும் நடைபெற உள்ளன.
கரூர் மாவட்டத்தின் பல்வேறு காவல் நிலையங்கள் மற்றும் பிரிவுகளைச் சேர்ந்த காவலர்கள் உற்சாகத்துடன் கலந்து கொண்டு தங்களது விளையாட்டு திறமைகளை வெளிப்படுத்தினர்.
இந்த விளையாட்டுப் போட்டிகள் காவலர்களின் உடல் நலத்தை மேம்படுத்துவதோடு, பணிச்சுமையால் ஏற்படும் மன அழுத்தத்தைக் குறைத்து புத்துணர்ச்சியுடன் பணியாற்ற உதவுவதாக காவல்துறை அதிகாரிகள் தெரிவித்தனர்.
காவல்துறையினர் தங்களின் அன்றாட சவாலான பணிகளுக்கு இடையே, விளையாட்டு மைதானத்தில் காட்டும் இந்த ஆர்வம் வரவேற்கத்தக்கது. மன அழுத்தமில்லாத காவல்துறை அதிகாரிகளால் மட்டுமே பொதுமக்களுக்கு மிகச்சிறப்பான சேவையை வழங்க முடியும் என்பதற்கு இந்த விளையாட்டு திருவிழா ஒரு முன்னோடியாகும். வரும் நாட்களிலும் இத்தகைய ஆக்கப்பூர்வமான நிகழ்வுகள் காவல்துறையில் தொடர்வது ஆரோக்கியமான சமூகத்திற்கு வித்திடும்.
📍 கரூர், ஜூன் 13, 2026 — ETamilNews நிருபர்