அமெரிக்காவின் நாசா விண்வெளி ஆய்வு நிறுவனம் சர்வதேச விண்வெளி நிலையத்திற்கு அனுப்பும் 3 விண்வெளி வீரர்களில், இந்திய வம்சாவளியை சேர்ந்த அவசர சிகிச்சை நிபுணரான அனில் மேனன் தேர்வு செய்யப்பட்டுள்ளார். இவர் வருகிற 14-ம் தேதி கஜகஸ்தானின் பைகானூர் விண்வெளி நிலையத்திலிருந்து சோயுஸ் விண்கலம் மூலம் விண்வெளிக்கு பயணம் மேற்கொள்கிறார். அங்குள்ள சர்வதேச விண்வெளி ஆய்வு நிலையத்தில் சுமார் 8 மாதங்கள் தங்கியிருந்து பல்வேறு முக்கிய அறிவியல் ஆய்வுகளை மேற்கொள்ள உள்ளார் என நாசா அறிவித்துள்ளது.
