தலைநகர் சென்னையின் முக்கியப் பகுதியான கொளத்தூர் தொகுதியில் தமிழக வெற்றிக் கழகத்தின் (த.வெ.க) மக்கள் பிரதிநிதியாக வி.எஸ். பாபு செயல்பட்டு வருகிறார். தொகுதி மக்களின் குறைகளைக் கேட்பது மற்றும் கட்சியின் அமைப்புக் கூட்டங்களில் தீவிரமாக ஈடுபாடு காட்டி வந்த நிலையில், அவருக்குத் திடீரென சுவாசக் கோளாறுகள் ஏற்பட்டு உடல்நலம் பாதிக்கப்பட்ட நிகழ்வு கட்சியினரிடையே பரபரப்பை ஏற்படுத்தியுள்ளது.
சென்னை கொளத்தூர் தொகுதி த.வெ.க எம்.எல்.ஏ. வி.எஸ். பாபுவுக்கு இன்று திடீரெனக் கடுமையான மூச்சுத்திணறல் ஏற்பட்டது. உடனடியாக நிலமையைப் புரிந்துகொண்ட குடும்பத்தினர் மற்றும் உதவியாளர்கள், அவரைச் சிகிச்சைக்காகச் சென்னையிலுள்ள பிரபல மருத்துவமனைக்கு அழைத்துச் சென்றனர்.
அமைந்தகரையில் உள்ள தனியார் மருத்துவமனையில் அனுமதிக்கப்பட்ட அவருக்குச் சுவாசப் பாதையில் தீவிரப் பாதிப்பு இருப்பது கண்டறியப்பட்டது. இதையடுத்து மருத்துவர்கள் அவரை உடனடியாகத் தீவிர சிகிச்சைப் பிரிவுக்கு (ICU) மாற்றி, தொடர் மருத்துவக் கண்காணிப்பில் வைத்துச் சிகிச்சைகளை வழங்கி வருகின்றனர். இச்செய்தி பரவியதைத் தொடர்ந்து த.வெ.க நிர்வாகிகளும் ஆதரவாளர்களும் மருத்துவமனை வளாகத்தில் கூடி நலம் விசாரித்து வருகின்றனர்.