ரூ.2.12 லட்சம் கோடியில் ராணுவ தளவாடங்கள் வாங்க மத்திய அரசு ஒப்புதல்

மத்திய பாதுகாப்புத் துறை அமைச்சர் ராஜ்நாத் சிங் தலைமையில் நடைபெற்ற பாதுகாப்பு கொள்முதல் கவுன்சில் கூட்டத்தில், நாட்டின் முப்படைகளுக்காக ரூ.2.12 லட்சம் கோடி மதிப்பில் புதிய ராணுவ தளவாடங்கள் மற்றும் ஆயுதங்களை வாங்க ஒப்புதல் அளிக்கப்பட்டுள்ளது. இந்திய ராணுவத்திற்கு நவீன காமிகாஸ் ட்ரோன்கள், ஹெலிகாப்டர்கள் மற்றும் வான் பாதுகாப்பு அமைப்புகளும், கடற்படைக்கு எதிரி ஏவுகணைகளைத் திசைதிருப்பும் சாதனங்களும், விமானப்படைக்கு ரேடார்களும் இத்திட்டத்தின் மூலம் கொள்முதல் செய்யப்படவுள்ளன.