பிரபல தமிழ் நடிகை குஷ்பு. இவர் பாஜகவில் உள்ளார். கேரள மாநிலம் திருச்சூரில் உள்ள விஷ்ணு மாயா கோவிலில் நடிகை குஷ்புவுக்கு சிறப்பு கவுரவம் அளிக்கப்பட்டு உள்ளது. அதாவது, இந்த கோவிலில் வருடந்தோறும் ஒரு பெண்ணை தேர்வு செய்து சிறப்பு பூஜை செய்வார்கள்.
அந்த வகையில் இந்த ஆண்டுக்கு நடிகை குஷ்பு தேர்வு செய்யப்பட்டார். அதன்படி கோயிலுக்கு சென்று குஷ்புவுக்கு நாரி பூஜை உள்பட பல வகை பூஜைகள் செய்யப்பட்டது. இது குறித்து குஷ்பு தனது வலைதள பக்கத்தில் விஷ்ணு மாயா கோயிலில் நாரி பூஜை செய்ய என்னை அழைத்ததை அதிர்ஷ்டமாக உணர்கிறேன். இத்தகைய பெருமையை எனக்கு வழங்கிய கோவிலில் உள்ள அனைவருக்கும் நன்றி” என நெகிழ்ச்சியோடு குறிப்பிட்டுள்ளார்.