தமிழ், மலையாளம் மற்றும் தெலுங்குத் திரையுலகில் கதாநாயகியாகவும், கதையின் முதன்மை நாயகியாகவும் நடித்துத் தனக்கெனப் தனி ரசிகர் பட்டாளத்தை உருவாக்கியவர் நடிகை ஐஸ்வர்யா லட்சுமி. பொன்னியின் செல்வன், கட்டா குஸ்தி உள்ளிட்ட பல திரைப்படங்களில் இவரது இயல்பான நடிப்பு ரசிகர்களால் பெரிதும் பாராட்டப்பட்டது. சவாலான
கதாபாத்திரங்களைத் தேர்ந்தெடுத்து நடித்து வரும் சூழலில், அவர் வில்லி கதாபாத்திரத்தைக் கையில் எடுப்பது சினிமா வட்டாரத்தில் பெரும் எதிர்பார்ப்பை ஏற்படுத்தியுள்ளது.
‘ராக்கா’ என்ற புதிய திரைப்படத்தில் நடிகை ஐஸ்வர்யா லட்சுமி இதுவரை கண்டிடாத வகையில் மிகவும் மிரட்டலான மற்றும் எதிர்மறைச் சாயல் கொண்ட வில்லி கதாபாத்திரத்தில் நடிக்கவுள்ளதாகக் கூறப்படுகிறது. இருப்பினும், இது குறித்த அதிகாரப்பூர்வ அறிவிப்பை அல்லது தகவலைப் படக்குழுவினர் இதுவரை முறைப்படி உறுதிப்படுத்தவில்லை.
இத் திரைப்படத்தின் அடுத்தகட்டப் படப்பிடிப்பு பணிகள் விரைவில் ஹைதராபாத்தில் மிகப்பிரம்மாண்டமாகத் தொடங்கப்பட உள்ளன. மேலும், நடிகை ஐஸ்வர்யா லட்சுமி தற்போது தெலுங்கில் ‘சம்பரால ஏடிகட்டு’ என்ற திரைப்படத்தில் கதாநாயகியாகத் தீவிரமாக நடித்து வருகிறார் என்பது குறிப்பிடத்தக்கது.