சென்னையில் ‘மிக்ஜாம்’ புயலால் நேற்று நள்ளிரவு முதல் பல்வேறு பகுதிகளில் தொடர்ந்து கனமழை பெய்து வருகிறது. இதன் காரணமாக பெரும்பாலான குடியிருப்பு பகுதிகள், சாலைகளில் நீர் தேங்கியுள்ளதால் பொதுமக்கள் வீட்டை விட்டு வெளியே வர முடியாத சூழல் ஏற்பட்டுள்ளது.
மேலும் இன்று காலை 10 மணி வரையிலும் கனமழை தொடரும் என வானிலை ஆய்வு மையம் தெரிவித்துள்ளது. அதிக அளவு கனமழையால் சென்னை மிதக்கும் நிலை ஏற்படும் என்ற அச்சம் மக்களிடையே உருவாகியுள்ளது. சென்னையின் பல பகுதிகளில் நேற்று இரவு முதலே மின்சாரம் தடை செய்யப்பட்டுள்ளது.