தமிழகத்தில் சட்டம் ஒழுங்கைப் பலப்படுத்துவது மற்றும் நிர்வாகத் திறனை மேம்படுத்துவது தொடர்பாக முதல்வர் விஜய் தலைமையில் மிக முக்கிய உயர் அதிகாரிகள் மாநாடு கூட்டப்படவுள்ளது. வரும் ஜூன் மாதம் 29 மற்றும் 30 ஆகிய தேதிகளில் இரண்டு நாட்களுக்கு இந்த ஐஏஎஸ் (IAS), ஐபிஎஸ் (IPS) அதிகாரிகள் மாநாடு மிக பிரம்மாண்டமாக நடைபெறும் என்று தமிழக அரசு அதிகாரப்பூர்வமாக அறிவித்துள்ளது. சென்னை தலைமைச் செயலக வளாகத்தில் உள்ள நாமக்கல் கவிஞர் மாளிகையில் இம்மாநாடு நடைபெறவிருப்பதால், ஒட்டுமொத்த அரசு இயந்திரமும் இதற்கான ஆயத்தப் பணிகளில் தீவிரமாக இறங்கியுள்ளது.
சென்னையில் உள்ள வரலாற்றுச் சிறப்புமிக்க நாமக்கல் கவிஞர் மாளிகையில் ஜூன் 29 மற்றும் 30-ம் தேதிகளில் இந்த மாநாடு தடையின்றி நடைபெறவுள்ளது. இக்கூட்டத்தில் தமிழகத்தின் அனைத்து மாவட்டங்களைச் சேர்ந்த ஐஏஎஸ் ஆட்சியர்கள், ஐபிஎஸ் காவல் அதிகாரிகள் மற்றும் துறை சார்ந்த செயலாளர்கள் நேரில் பங்கேற்க உள்ளனர்.
இந்த இரண்டு நாள் தீவிரக் கூட்டத்தில், மாநிலத்தின் சட்டம் ஒழுங்குப் பிரச்சினை, பெண்களுக்கு எதிராக நடக்கும் குற்றங்களைத் தடுத்தல் மற்றும் அதற்கான கடுமையான நடவடிக்கைகள் குறித்து விரிவாக விவாதிக்கப்படவுள்ளது. மேலும், குற்றங்கள் நடக்கும் முன்பே அவற்றைத் தடுப்பதற்கான உத்திகள், உளவுத்துறைத் தகவல்களைக் கையாளுதல் மற்றும் பொது அமைதியை நிலைநாட்டுவது உள்ளிட்ட பல்வேறு முக்கிய அம்சங்கள் குறித்து அதிகாரிகளுக்கு முதல்வர் விஜய் மிக முக்கியமான அறிவுரைகளை வழங்கவுள்ளார்.