இலவச வேளாண் மின் இணைப்புகளை உயர்த்த வேண்டும்

தமிழகத்தில் நடப்பாண்டில் 50 ஆயிரம் பேருக்கு இலவச வேளாண் மின் இணைப்புகளை வழங்குவதற்காக அரசாணை பிறப்பிக்கப்பட்டுள்ளதை பாமக தலைவர் அன்புமணி ராமதாஸ் வரவேற்றுள்ளார். அதே நேரத்தில், தட்கல் மற்றும் சாதாரண திட்டங்களில் பல ஆண்டுகளாக காத்திருக்கும் மீதமுள்ள 4 லட்சத்திற்கும் மேற்பட்ட விவசாயிகளுக்கும் விரைவாக மின் இணைப்பு வழங்க வேண்டும் என்று அவர் கோரிக்கை விடுத்துள்ளார். மேலும், இலவச வேளாண் மின் இணைப்புகளை ஆண்டுக்கு 1 லட்சமாக உயர்த்தி வழங்க வேண்டும் என்றும் அவர் தமிழக அரசை வலியுறுத்தியுள்ளார்.