திமுக எம்எல்ஏ மகன், மருமகளுக்கு நிபந்தனை ஜாமீன்…

இந்நிலையில், தங்களுக்கு ஜாமீன் வழங்கக் கோரி சென்னை உயர் நீதிமன்றத்தில் இருவரும் மனு தாக்கல் செய்தனர். இந்த மனு கடந்த 21-ம் தேதி விசாரணைக்கு வந்த போது, தவறான புகாரில் கைது செய்யப்பட்டு இருவரும் 30 நாட்களுக்கும் மேலாக சிறையில் இருப்பதாக வழக்கறிஞர்கள் வாதிட்டனர். இந்த நிலையில், பாதிக்கப்பட்ட பெண் நீதிமன்றத்தில் ஆஜராகி பதிலளிக்க அவகாசம் அளித்து வழக்கு ஒத்தி வைக்கப்பட்டது. இதைத் தொடர்ந்து கடந்த 28-ம் தேதி ஜாமீன் மனு மீதான விசாரணைகள் முடிந்து மார்ச் 1-ம் தேதிக்கு தீர்ப்பு ஒத்திவைக்கப்பட்டது.

இந்த வழக்கில் இன்று தீர்ப்பளித்த உயர் நீதிமன்றம், ஆண்டோ மதிவாணன் மற்றும் மெர்லினா ஆகிய இருவருக்கும் நிபந்தனை ஜாமீன் வழங்கி உத்தரவிட்டது. தினமும் விசாரணை அதிகாரி முன்பாக தொடர்ச்சியாக இரண்டு வாரங்களுக்கு நேரில் ஆஜராக வேண்டும் என இருவருக்கும் நீதிமன்றம் நிபந்தனை விதித்துள்ளது.