திருச்சி வரகனேரி துணை மின் நிலையத்தில் நாளை (ஜூன் 16) மாதாந்திர பராமரிப்புப் பணிகள் மேற்கொள்ளப்பட உள்ளதால், அதன் சுற்றுவட்டாரப் பகுதிகளான தாராநல்லூர், சங்கிலியாண்டபுரம், கீழப்புதூர் உள்ளிட்ட முக்கியப் பகுதிகளில் காலை முதல் மாலை வரை மின் விநியோகம் நிறுத்தப்படும் எனத் தமிழ்நாடு மின் உற்பத்தி மற்றும் பகிர்மானக் கழகம் அதிகாரப்பூர்வமாகத் தெரிவித்துள்ளது.
பொதுமக்களுக்குத் தடையற்ற மற்றும் சீரான மின் விநியோகத்தை வழங்குவதற்காக, மின்சார வாரியம் சார்பில் மாதந்தோறும் துணை மின் நிலையங்களில் உயர் அழுத்தக் கம்பிகள், மின்மாற்றிகள் மற்றும் தூண்களில் உள்ள பழுதுகளை நீக்கும் பராமரிப்புப் பணிகள் நடத்தப்படுவது வழக்கமாகும். இந்தப் பணிகள் நடைபெறும் நேரங்களில் ஊழியர்களின் பாதுகாப்பைக் கருத்தில் கொண்டு மின் விநியோகம் தற்காலிகமாக நிறுத்தப்படுகிறது.
திருச்சி வரகனேரி துணை மின் நிலையத்தில் நாளை செவ்வாய்க்கிழமை (16-06-2026) அன்று மாதாந்திர பராமரிப்புப் பணிகள் திட்டமிடப்பட்டுள்ளன. இதன் காரணமாக, வரகனேரி மின் விநியோகப் பிரிவுக்கு உட்பட்ட பகுதிகளில் நாளை காலை 09:45 மணி முதல் மாலை 04:00 மணி வரை மின்சாரம் இருக்காது. என மின்செயற்பொறியாளர் தெரிவித்துள்ளார்.
வரகனேரி துணை மின் நிலையப் பராமரிப்புப் பணி காரணமாக நாளை மின் விநியோகம் நிறுத்தப்படும் பகுதிகளின் விபரம் – மகாலட்சுமி நகர், தனலட்சுமி நகர், வெல்டர்ஸ் நகர், தாராநல்லூர், விஸ்வாஸ் நகர், வசந்த நகர், காமராஜர் நகர், மல்லிகைபுரம், இருதயபுரம், கீழப்புதூர், குழுமிக்கரை மற்றும் சங்கிலியாண்டபுரம் ஆகிய பகுதிகளில் நாளை முழுமையாக மின்சாரம் தடைபடும்.