அமெரிக்க அதிபர் டொனால்ட் டிரம்ப், ஜெஃப்ரி எஃப்ஸ்டீன் வழக்கில் தனக்கு எந்த தொடர்பும் இல்லை என்று மீண்டும் வலியுறுத்தியுள்ளார். ஏர் ஃபோர்ஸ் ஒன் விமானத்தில் செய்தியாளர்களிடம் பேசிய அவர், “எனக்கு எதுவும் மறைக்க ஒன்றும் இல்லை. நான் முழுமையாக விடுவிக்கப்பட்டேன் (exonerated). எஃப்ஸ்டீனுடன் எனக்கு எந்த தொடர்பும் இல்லை” என்று தெளிவாகக் கூறினார்.
எஃப்ஸ்டீன் கோப்புகள் வெளியான பின்னணியில் இந்த விளக்கத்தை அவர் அளித்துள்ளார்.சமீபத்தில் நீதித்துறை வெளியிட்ட எஃப்ஸ்டீன் கோப்புகளில் (மூன்று மில்லியன் ஆவணங்கள், புகைப்படங்கள், வீடியோக்கள்) டிரம்ப் பெயர் சில இடங்களில் இடம்பெற்றிருந்தாலும், அவை குற்றச்சாட்டுகளுடன் தொடர்புடையவை அல்ல என்று டிரம்ப் தரப்பு வாதிடுகிறது. “அவர்கள் என்னை தேடி வந்தார்கள், ஆனால் எதிர்மாறாகத்தான் கண்டுபிடித்தார்கள்” என்று டிரம்ப் கூறினார்.
எஃப்ஸ்டீன் 2019இல் சிறையில் தற்கொலை செய்து கொண்டார் என அதிகாரப்பூர்வ அறிக்கை கூறுகிறது.டிரம்ப் மேலும் கூறியதாவது: “எஃப்ஸ்டீன் என்னை அதிபராக தேர்ந்தெடுக்கப்படக் கூடாது என்று போராடினார். இப்போது அவர்கள் என்னை தாக்க முயல்கிறார்கள், ஆனால் எதுவும் கிடைக்கவில்லை.” இந்த வழக்கில் தனக்கு எதிராக எந்த சாட்சியமும் இல்லை என்றும், அமெரிக்க மக்கள் இப்போது சுகாதாரம், பொருளாதாரம் போன்ற முக்கிய விஷயங்களுக்கு கவனம் செலுத்த வேண்டும் என்றும் அவர் வலியுறுத்தினார்.
முன்னாள் வெளியுறவு செயலர் ஹிலாரி கிளிண்டன் இதற்கு கடுமையாக எதிர்ப்பு தெரிவித்துள்ளார். பிபிசிக்கு அளித்த பேட்டியில், “கோப்புகளை முழுமையாக வெளியிட வேண்டும். அவர்கள் (டிரம்ப் தரப்பு) இதை மெதுவாக்குகிறார்கள். இது ஒரு மறைப்பு (cover-up)” என்று குற்றம்சாட்டினார். தன்னையும் தனது கணவரையும் (பில் கிளிண்டன்) இந்த வழக்கில் குற்றமற்றவர்கள் என்றும், கோப்புகளை முழுமையாக வெளியிட வேண்டும் என்று தாங்கள் தொடர்ந்து கோரி வருவதாகவும் ஹிலாரி தெரிவித்தார்.
ஒட்டுமொத்தமாக, எஃப்ஸ்டீன் கோப்புகள் வெளியீட்டால் டிரம்ப் மீது மீண்டும் கவனம் செலுத்தப்பட்ட நிலையில், அவர் தனக்கு எந்த தொடர்பும் இல்லை என்று மறுத்துள்ளார். ஹிலாரி கிளிண்டன் இதை மறைப்பு என்று குற்றம்சாட்டியுள்ளார். இருப்பினும், நீதித்துறை இனி கோப்புகள் வெளியிடப்படாது என்று அறிவித்துள்ளது. இந்த விவகாரம் அமெரிக்க அரசியலில் மீண்டும் சூடுபிடித்துள்ளது.