மோடி எத்தனை முறை வந்தாலும் வெல்ல முடியாது என வைகோ தெரிவித்துள்ளார். மதுரை தெற்கு தொகுதியில் திமுக கூட்டணி சார்பாக மதிமுக வேட்பாளர் பூமிநாதன் போட்டியிடுகிறார். இன்று வேட்பு மனுதாக்கல் செய்வதற்காக வந்திருந்த பூமிநாதனுடன் மதிமுக கட்சியின் பொதுச்செயலாளர் வைகோ, மதுரை எம்.பி சு.வெங்கடேசன் ஆகியோரும் உடன் வந்திருந்தனர். தொடர்ந்து செய்தியாளர்களை சந்தித்து பேசிய வைகோ, முதலமைச்சர் வாகனத்தை தேர்தல் அதிகாரிகள் சோதனையிட்டதற்கு வைகோ எதிர்ப்பு தெரிவித்தார். தமிழ்நாடு வரும் பிரதமர், உள்துறை அமைச்சர் உள்ளிட்ட பாஜக தலைவர்கள் வாகனங்களை ஆணையம் சோதனையிடுமா?தேர்தல் முடிவுகள்
பிரதமர் மோடி, அமித் ஷா சொல்படியே முதலமைச்சர் வாகனத்தில் சோதனை நடத்தப்பட்டுள்ளது. 24 மணி நேரத்துக்குள் அடுத்தடுத்து முதல்வர் வாகனத்தில் சோதனை நடத்தியவர்கள், பிரதமர் வாகனத்தில் சோதனை நடத்துவார்களா? பாஜக ஆளும் மாநிலங்களில் முதலமைச்சர்கள் வாகனங்களில் சோதனை நடத்தப்பட்டதா? என கேள்வி எழுப்பினார். தொடர்ந்து பேசிய அவர்; படை பரிவாரத்தோடு பிரதமர் மோடி தமிழ்நாடு வருகிறார். பிரதமர் உள்பட எத்தனை பாஜக ஒன்றிய அமைச்சர்கள் தமிழ்நாடு வந்தாலும் இங்கு வெல்ல முடியாது. தமிழ்நாட்டில் மதச்சார்பற்ற முற்போக்கு கூட்டணியே பெரும் வெற்றி பெறும் என்று கூறினார்.