உக்ரைன் போருக்கு பிந்தைய ரஷ்யாவின் முதல் நாடாளுமன்றத் தேர்தலில், அதிபர் விளாடிமிர் புடினின் ‘யுனைடெட் ரஷ்யா’ கட்சி 57.83% வாக்குகளைப் பெற்று அமோக வெற்றி பெற்றுள்ளது.
ரஷ்ய நாடாளுமன்றத்தின் கீழ் அவையான ‘ஸ்டேட் டுமா’விற்கு நடைபெற்ற இத்தேர்தலில், யுனைடெட் ரஷ்யா கட்சி கடந்த 2021-ஆம் ஆண்டை (49.8%) விட கூடுதல் வாக்குச் சதவீதத்தைப் பெற்றுள்ளது.
உக்ரைன் போருக்கு பிறகு ரஷ்ய மக்களின் ஆதரவை அறிவதற்கான சோதனையாக இத்தேர்தல் பார்க்கப்பட்ட நிலையில், இத்தேர்தல் நியாயமான முறையில் நடைபெறவில்லை என மேற்கத்திய நாடுகள் விமர்சித்துள்ளன.
அதிகாரப்பூர்வ தேர்தல் முடிவுகளின் விவரம்
யுனைடெட் ரஷ்யா: 57.83%
கம்யூனிஸ்ட் கட்சி (CPRF): 13.8%
லிபரல் டெமாக்ரடிக் கட்சி (LDPR): 8.99%
நியூ பீப்பிள்: 7.96%
ஏ ஜஸ்ட் ரஷ்யா: 4.96% (நாடாளுமன்றத்திற்குள் நுழையத் தேவையான 5% வரம்பை எட்டவில்லை) ரஷ்யாவின் பிராந்திய ஆளுநர் தேர்தல்களிலும் யுனைடெட் ரஷ்யா கட்சியின் ஆதரவு பெற்ற வேட்பாளர்கள் முன்னிலை வகிக்கின்றனர்.
பெல்கரோட் பிராந்தியம்: அலெக்ஸாண்டர் ஷுவாயேவ் – 65.97%
பிரியான்ஸ்க் பிராந்தியம்: எகோர் கோவல்சுக் – 68.69%
த்வேர் பிராந்தியம்: விட்டாலி கொரோலெவ் – 69.69%
மோர்டோவியா: ஆர்ட்டெம் ஜ்டூனோவ் – 77.97%
குறிப்பாக, செச்னியா பிராந்தியத்தில் போட்டியிட்ட தற்போதைய ஆளுநர் ரம்சான் கதீரோவ் 99.85% வாக்குகளைப் பெற்று சாதனை வெற்றி பெற்றுள்ளதாகச் செய்திகள் தெரிவிக்கின்றன.