திருச்சி மாவட்ட ஆட்சியர் அலுவலகத்தில் உள்ள கூட்டரங்கில் சாலை பாதுகாப்பு குறித்த விரிவான ஆய்வுக்கூட்டம் தமிழக பொதுப்பணித் துறை அமைச்சர் எ.வ வேலு தலைமையில் இன்று நடைபெற்றது – இதில் தமிழக நகராட்சி நிர்வாக துறை அமைச்சர்
கே.என் நேரு,திருச்சி மாநகர காவல் துறை ஆனையர் சத்யபிரியா,திருச்சி மாவட்ட காவல் துறை கண்காணிப்பாளர் சுஜித்குமார் மற்றும் துறை சார்ந்த அதிகாரிகள் பலர் கலந்து கொண்டனர். இந்த ஆய்வுக் கூட்டத்தில் நெடுஞ்சாலை துறை அதிகாரிகள் மற்றும் தன்னார்வ அமைப்பினர் மத்தியில் பேசிய தமிழக பொதுப்பணித்துறை அமைச்சர் எ.வா வேலு பேசியதாவது.. நெடுஞ்சாலை துறையை பொருத்த வரை சரியான சாலை அமைப்பதில் கவனம் செலுத்த வேண்டும் – பொறியாளர்களின் சின்ன சின்ன கவன குறைவால் கூட விபத்துகள் ஏற்பட வாய்ப்பு உள்ளது.
சாலையில் அமைக்கப்பட்டுள்ள பிலிண்டர்கள் பல இடங்களில் தரமானதாக இல்லை – பொறியாளர்கள் இதில் மிகுந்த கவனம் செலுத்த வேண்டும். வேக தடையில் தெர்மா பிளாஸ்டிக் பெயிண்ட் தான் சாலையில் பயன்படுத்த வேண்டும் என்பது விதி – இதில் கூடுதல் கவனம் செலுத்த வேண்டும்.
சாலைகளில் மாடுகளை அவிழ்த்து விடுவதால் பல நேரங்களில் விபத்துகள் ஏற்படுகிறது – மாவட்ட நிர்வாகம் மாட்டை பிடித்து ஒரு
முறைக்கு இரு முறை அபராதம் விதிக்க வேண்டும் – ஆலோசனையை கேட்கவில்லை என்றால் மாவட்ட ஆட்சியர் தலையிட்டு மாட்டை ஏலம் விட்டு அரசு கணக்கில் பனத்தை கட்டுங்கள்
பள்ளிகளில் ஆரம்ப கால கட்டத்தில் விழிப்புணர்வு கொடுத்தால் கண்டிப்பாக சிறுவர்கள் வண்டி ஓட்டி விபத்து ஏற்படுத்துவதை தவிர்க்க முடியும் – முதன்மை கல்வி அலுவலர்கள் மற்றும் மாவட்ட ஆட்சியர் பள்ளி மாணவர்களுக்கு விழிப்புணர்வு ஏற்படுத்துவதற்கு அதிகம் கவனம் செலுத்த வேண்டும்.
ஆய்வு கூட்டத்திற்கு பின்னர் செய்தியாளர்களை சந்தித்து பேசிய அமைச்சர் எ.வா வேலு…
திருச்சி பால் பண்ணை முதல் தூவாக்குடி வரை உயர்மட்ட பாலம்,சர்வீஸ் சாலை இரண்டுமே அமைக்க உத்தேசம் தான் – ஆனால் அங்குள்ள வியாபாரிகள் பல்வேறு சங்கங்கள் இணைந்து இதற்கு எதிர்ப்பு தெரிவித்து வருகின்றனர்.
திருச்சி மாநகர பகுதிகளில் 3 இடங்களில் உயர்மட்ட பாலம் அமைக்க பணிகள் தொடங்க ஆயிரம் கோடி
ரூபாய் நிதி ஒதுக்கப்பட்டுள்ளது.
மெட்ரோ மற்றும் மாநில நெடுஞ்சாலை துறை இதில் இனைந்து பேசி – மெட்ரோவின் ஆய்விற்கு பின்னர் தான் முடிவு செய்ய முடியும். 3 உயர்மட்ட பாலங்கள் அமைக்க விரிவான திட்ட அறிக்கையை மாநில நெடுஞ்சாலை துறை தயார் செய்தது – ஆனால் மெட்ரோ நீங்கள் பாலம் அமைத்தால் நாங்கள் எப்படி தனியாக பில்லர் அமைக்க முடியும் என்று கேட்டு கூட்டு முயற்சியில் இதனை செய்யலாம் என கூறி உள்ளனர் – ஆனால் சரியாக எப்போது இந்த பணிகள் துவங்கும் என்று சொல்ல முடியாது.
திருச்சி காவிரி புதிய பாலப்பணிகள் விரைவில் தொடங்கும் – ரூபாய் 120 கோடி மதிப்பீட்டில் பாலப்பணிகள் நடைபெற உள்ளது, அதற்கான டெண்டர் இந்த மாதத்தில் விடப்பட்டு பணிகளை துவங்க உள்ளதாக அமைச்சர் குறிப்பிட்டார்.
திருச்சியில் துவாக்குடி பகுதியில் இருந்து பூவாளூர், மணச்சநல்லூர்,
ஜீயபுரம் வரை புறவழிச்சாலைக்கு நிலங்களை கையகப்படுத்தும் பணிக்கு திட்டமிட்டுள்ளோம் – அதற்கான திட்ட மதிப்பீடு உருவாக்கப்பட்டு விரைவில் பணி துவங்கும்.
