புதிய படங்கள் வெளியீடு, வேண்டுதல் நிறைவேற்றுதல், விசேஷ தினங்கள், தங்களுடைய பிறந்தநாள் என திருப்பதி ஏழுமலையான் கோயிலுக்கு பிரபலங்கள் வருவது வழக்கம். அதுபோன்ற சமயங்களில் அவர்களது புகைப்படம், வீடியோக்கள் இணையத்தில் வைரலாகும். அந்த வகையில் நடிகர் ரஜினியின் மகள்கள் ஐஸ்வர்யா மற்றும் சௌந்தர்யா இருவரும் திருப்பதியில் சுவாமி தரிசனம் செய்துள்ளனர். செளந்தர்யா தனது கணவர் மற்றும் இரண்டு குழந்தைகளுடனும் வந்திருந்தார்.
விஐபி தரிசனத்தின் மூலம் அவர்கள் ஏழுமலையானின் சேவையில் பங்கேற்று வழிபாடு நடத்தினர். தரிசனம் முடிந்ததும், ஆலய ரங்கநாயக மண்டபத்தில் வேத பண்டிதர்கள் வேதசிர்வசனம் செய்தனர். பின்பு கோயில் அதிகாரிகள் அவர்களுக்கு ஸ்ரீவாரி தீர்த்தப்பிரசாதம் வழங்கி, பட்டு வஸ்திரம் அணிவித்து மரியாதை செய்தனர். தரிசனம் முடித்து வெளியே வந்ததும் அங்கு ரசிகர்களுடன் செல்ஃபி எடுத்துவிட்டு புறப்பட்டனர்.