தமிழ் திரையுலகின் முன்னணி நடிகர்களில் ஒருவராக இருந்து வரும் அஜித் குமார் நடிப்புக்கு முழுக்கு போட்டுவிட்டு முழுநேரமும் கார் ரேஸிலேயே கவனம் செலுத்திவிடுவாரோ என்பதே அவரின் ரசிகர்களின் கவலையாக உள்ளது.
இந்நிலையில் அஜித் குமார் ஸ்போர்ஸ் சர்வீஸ் என்கிற பெயரில் தயாரிப்பு நிறுவனத்தை துவங்கி அதை தென்னிந்திய திரைப்பட வர்த்தக சபையில் பதிவு செய்திருக்கிறார் ஏ.கே. நடிகர்கள் தயாரிப்பாளர் அவதாரம் எடுப்பது ஒன்றும் புதிது அல்ல. ஆனால் இந்த காலத்தில் படத்தை தயாரிப்பது என்பது சாதாரண விஷயம் அல்ல. அப்படி இருக்கும்போது அஜித் குமார் ஏன் தயாரிப்பாளர் அவதாரம் எடுக்க வேண்டும் என்கிற குழப்பம் சிலருக்கு உள்ளது.
என்ன மாதிரி தயாரிப்பு?: கடந்த ஆண்டில் இருந்து கார் பந்தயங்களில் கலந்து கொண்டு வரும் அஜித் குமாரின் ஆவணப்படம் வரும் மே மாதம் 1ம் தேதி தியேட்டர்களில் ரிலீஸாகவிருப்பது அனைவருக்கும் தெரியும். அந்த ஆவணப்படத்தை அஜித் குமார் ஸ்போர்ட்ஸ் சர்வீஸ் நிறுவனம் தான் தயாரிக்கிறதாம். கார் பந்தயம் குறித்த ஆவணப்படத்தை தயாரித்து வெளியிடவே தன் பெயரில் தயாரிப்பு நிறுவனம் துவங்கியிருக்கிறாராம் அஜித் குமார். மற்றபடி அந்த தயாரிப்பு நிறுவனம் மூலம் படங்களை தயாரிக்கும் ஐடியா அவருக்கு இல்லை என்று கூறப்படுகிறது.
ஒரு தயாரிப்பு நிறுவனத்தை துவங்கி லட்சங்களில் கட்டணம் செலுத்தி நிரந்தர உறுப்பினர் ஆகியிருக்கிறார் என்றால் தொடர்ந்து கார் பந்தயங்கள் குறித்த ஆவணப்படங்களை தயாரிப்பார் போன்று என பேசப்படுகிறது. ஏற்கனவே 2027ம் ஆண்டு ஜனவரி மாதம் வரை தொடர்ந்து கார் பந்தயங்களில் கலந்து கொள்ளவிருக்கிறார் அஜித் குமார் என அறிவிப்பு வெளியானதும் ரசிகர்களுக்கு பயம் வந்துவிட்டது.
வருஷம் முழுவதும் கார் பந்தயங்களில் பங்கேற்றால் படத்தில் எப்படி நடிப்பார்?. நான் சினிமாவை விட்டு விலகும் நேரம் வந்துவிட்டது என்பதை நேரடியாக சொல்லாமல் இப்படி மறைமுகமாக சொல்கிறார் போன்று என அஜித் குமார் ரசிகர்கள் கவலை அடைந்தார்கள். இந்நிலையில் ஸ்போர்ட்ஸ் சர்வீஸ் என தயாரிப்பு நிறுவனமே துவங்கியிருப்பதால் இனி படங்களில் நடிக்காமல் கார் பந்தயம் தொடர்பாக மட்டுமே தயாரிப்பில் ஈடுபடுவாரோ என்கிற சந்தேகம் எழாமல் இல்லை.
ஏ.கே. 64 படப்பிடிப்பு: இந்த சந்தேகங்களை எல்லாம் விரைவில் தீர்த்து வைப்பார் அஜித் குமார் என்று எதிர்பார்க்கப்படுகிறது. பிப்ரவரி மாதமே துவங்க வேண்டிய ஏ.கே. 64 பட ஷூட்டிங் இன்னும் துவங்கவில்லை. இந்நிலையில் அந்த படம் டிராப்பாகிவிட்டது என்று முதலில் தகவல் வெளியானது.
அதன் பிறகோ ஆதிக் ரவிச்சந்திரனுக்கு பதில் சிறுத்தை சிவாவை ஏ.கே. 64 படத்தை இயக்கச் சொல்லியிருக்கிறாராம் அஜித் என்று பேச்சு வந்தது. இதையடுத்தே ஏ.கே. 64 பட இயக்குநர் மாற்றப்படவில்லை என்பது தெரிய வந்தது.
ஆதிக் ரவிச்சந்திரன் படத்தை முடித்துவிட்டு சிறுத்தை சிவா, வெங்கட் பிரபு ஆகியோர் இயக்கத்திலும் நடிக்க திட்டமிட்டிருக்கிறாராம் அஜித் குமார். கார் ரேஸ், தயாரிப்பு என்று பிசியாக இருக்கும்போது இத்தனை படங்களுக்கு அவரால் டேட்ஸ் ஒதுக்கிக் கொடுக்க முடியுமா என்று ரசிகர்கள் கேட்டு வருகிறார்கள்.
சூப்பர் ஸ்டார் பட்டம் வரலாறு மற்றும் முக்கிய நிகழ்வுகள் ஏ.கே. 64 பட ஷூட்டிங் இன்று முதல் ஆரம்பம் என்று புகைப்படத்துடன் அறிவிப்பு வந்தால் மட்டுமே அஜித் ரசிகர்கள் நிம்மதி அடைவார்கள்.