கரூர் திமுக தேர்தல் பணிமனை இன்று திறப்பு – செந்தில் பாலாஜி ஆய்வு.
கரூர் சட்டமன்றத் தொகுதியில் திராவிட முன்னேற்றக் கழகம் (திமுக) சார்பில் போட்டியிடும் வேட்பாளராக ஆசி. எம். தியாகராஜன் அறிவிக்கப்பட்டுள்ள நிலையில், தேர்தல் பணிகள் தீவிரமடைந்துள்ளன.
கரூர் சட்டமன்றத் தொகுதி தலைமை தேர்தல் பணிமனை இன்று திறக்கப்பட உள்ளது. இதனை முன்னிட்டு, கரூர் திமுக மாவட்ட செயலாளர் செந்தில் பாலாஜி நேரில் சென்று பணிமனை அமைப்புகள், வசதிகள், ஒருங்கிணைப்பு ஏற்பாடுகள் உள்ளிட்டவற்றை பார்வையிட்டு ஆய்வு செய்தார்.
தேர்தல் பணிமனையில் வாக்குசேகரிப்பு தொடர்பான திட்டங்கள், பிரச்சார அட்டவணைகள், பகுதி வாரியாக பொறுப்பாளர்கள் நியமனம், வாக்காளர் பட்டியல் ஆய்வு உள்ளிட்ட பணிகள் மேற்கொள்ளப்பட்டு வருவதாக நிர்வாகிகள் தெரிவித்தனர். வரவிருக்கும் தேர்தலை முன்னிட்டு கட்சி அமைப்பு வலுப்படுத்தும் பணிகளும் தீவிரமாக நடைபெற்று வருகின்றன.
இந்நிகழ்வில் திமுக நிர்வாகிகள், பகுதி செயலாளர்கள், இளைஞரணி, மகளிரணி, மற்றும் பல்வேறு அணிகளின் பொறுப்பாளர்கள் உள்ளிட்ட ஏராளமானோர் கலந்து கொண்டனர்