தமிழகத்தில் 10ம் வகுப்பு பொதுத்தேர்வு முடிவுகள் இன்று வெளியாகின. சென்னை அண்ணா நூற்றாண்டு நூலக வளாகத்தில் நடைபெற்ற நிருபர்கள் சந்திப்பில், பள்ளி கல்வித் துறை அமைச்சர் ராஜ்மோகன் அதிகாரப்பூர்வ தேர்வு முடிவுகள் அடங்கிய புத்தகத்தை வெளியிட்டு, முடிவுகளை அறிவித்தார். ஒட்டுமொத்தமாக 94.31% மாணவ, மாணவிகள் தேர்ச்சி பெற்று சாதனை படைத்துள்ளனர். இது கடந்த ஆண்டின் தேர்ச்சி விகிதத்துடன் ஒப்பிடும்போது ஒரு குறிப்பிடத்தக்க வளர்ச்சியாகும்.
கடந்த ஆண்டு பொதுத்தேர்வில் தேர்ச்சி விகிதம் 93.80% ஆக இருந்த நிலையில், இந்த ஆண்டு அது 0.51% உயர்ந்துள்ளது. 94.31% மாணவ, மாணவிகள் தேர்ச்சி பெற்றுள்ளனர். மாணவிகள் 96.47% மற்றும் 92.15% மாணவர்கள் தேர்ச்சி பெற்றுள்ளனர். மாநில அளவில் புதுக்கோட்டை மாவட்டம் 97.57% பெற்று முதலிடம் பிடித்து உள்ளது.
சிவகங்கை 97.54% இரண்டாம் இடம், தஞ்சை 97.41% மூன்றாம் இடம், திருச்சி 97.31% நான்காம் இடம், கன்னியாகுமரி 97.30% ஐந்தாம் இடம் பிடித்துள்ளன.