கடலூர் மாவட்டம், சிதம்பரம் அருகே பிளஸ்-1 பயிலும் பள்ளி மாணவி ஒருவரைக் காதலிக்க வலியுறுத்திக் கழுத்தை அறுத்துக் கொலை செய்ய முயன்ற எலக்ட்ரீசியன் ஐயப்பன், காவல்துறையினரின் கைது நடவடிக்கைக்கு அஞ்சித் தற்கொலை செய்து கொண்டதாக அதிர்ச்சித் தகவல் வெளியாகியுள்ளது. இச்சம்பவம் அப்பகுதியில் பெரும் பரபரப்பையும் அதிர்வலைகளையும் ஏற்படுத்தியுள்ளது.
தனது ஒருதலைக் காதலை மாணவி ஏற்க மறுத்த ஆத்திரத்தில் இருந்த ஐயப்பன், மாணவியின் வீட்டிற்குள் திடீரெனப் புகுந்து, அவரைத் கூர்மையான ஆயுதத்தால் கழுத்தை அறுத்துக் கொலை செய்ய முயன்றுள்ளார். மாணவியின் அலறல் சத்தம் கேட்டு அக்கம் பக்கத்தினர் திரண்டு வந்ததால், அங்கிருந்து தப்பி ஓடியுள்ளார். இக்கொடூரத் தாக்குதல் குறித்துக் காவல்துறையினர் வழக்குப் பதிவு செய்து தேடி வந்த நிலையில், பிடிபடுவோம் என்ற அச்சத்தில் ஐயப்பன் மாயமாகித் தற்கொலை செய்து கொண்டதாகக் கூறப்படுகிறது.