பழனி முருகன் கோவிலில் ரோப்கார் சேவை தற்காலிகமாக நிறுத்தம்

திண்டுக்கல் மாவட்டம் பழனி தண்டாயுதபாணி சுவாமி மலைக்கோயிலில் இன்று (அக்.20) காலை கியர்பாக்ஸ் ஷாஃப்ட்டில் ஏற்பட்ட பழுது காரணமாக ரோப்கார் சேவை தற்காலிகமாக நிறுத்தப்பட்டுள்ளது. சமீபத்தில் வருடாந்திர பராமரிப்பு பணிகள் முடிந்து இயக்கப்பட்டு வந்த நிலையில், தற்போது மீண்டும் பழுது ஏற்பட்டுள்ளதால் பக்தர்கள் ஏமாற்றம் அடைந்துள்ளனர். எனினும், பழுதினை சரிசெய்வதற்கான அவசர நடவடிக்கைகள் மேற்கொள்ளப்பட்டு வருவதாகவும், பணிகள் முடிந்ததும் சேவை விரைவில் மீண்டும் தொடங்கும் என்றும் அறநிலையத்துறை தெரிவித்துள்ளது.