கரூர் மாநகராட்சிப் பகுதியில் தற்காலிக தரைக்கடை வியாபாரிகளிடம் முறைகேடாக பணம் வசூலிப்பதைத் தடுக்கக் கோரி, மாவட்ட கலெக்டரிடம் தி.மு.க. சார்பில் புகார் மனு.
கரூர் மாநகராட்சிப் பகுதிகளில் தீபாவளிப் பண்டிகையை முன்னிட்டு, தற்காலிகமாகத் தரைக்கடை அமைத்து வியாபாரம் செய்யும் ஏழை எளிய வியாபாரிகளிடம், கடந்த ஐந்து ஆண்டுகளாக எந்தவித பணமும் வசூல் செய்யப்படவில்லை.
இந்நிலையில், வருகின்ற 08.11.2026 அன்று வரவிருக்கும் தீபாவளியை முன்னிட்டு, த.வெ.க. கட்சியைச் சேர்ந்தவர்கள் சிலர், தரைக்கடை வியாபாரிகளிடம் வாழ்வாதாரத்திற்காக ரூ.3500 வரை முறைகேடாகப் பணம் வசூல் செய்து வருவதாகக் கூறப்படுகிறது.
இதுகுறித்து கரூர் மத்திய பகுதி திமுக பொறுப்பாளரும், திராவிட முன்னேற்றக் கழகத்தைச் சேர்ந்தவருமான வி.ஜி.எஸ். குமார், மாவட்ட ஆட்சியரிடம் நேரில் புகார் மனு அளித்துள்ளார்.
அதில், விதிகளுக்குப் புறம்பாகத் தரைக்கடை வியாபாரிகளிடம் பணம் வசூலிக்கும் த.வெ.க. கட்சியினர் மீது உடனடியாக உரிய நடவடிக்கை எடுக்க வேண்டும் என்றும், தற்காலிகத் தரைக்கடை அமைத்து வியாபாரம் செய்யும் பொதுமக்களின் நலனைப் பாதுகாக்க வேண்டும் என்றும் கோரிக்கை விடுக்கப்பட்டுள்ளது.