அல்ஜீரியா- அர்ஜென்டினா ஆகிய அணிகளுக்கு இடையேயான உலகக்கோப்பை கால்பந்து போட்டி நடந்தது.
உலகக் கோப்பை கால்பந்து போட்டியில் 3-0 என்ற கோல் கணக்கில் அல்ஜீரியாவை வீழ்த்தி அர்ஜென்டினா அணி அபார வெற்றி பெற்றது.
மெஸ்ஸி 17வது, 60வது மற்றும் 76வது நிமிடங்களில் கோல் அடித்து, உலகக் கோப்பையில் தனது முதல் ஹாட்ரிக் கோல்களைப் பதிவு செய்தார். அர்ஜென்டினா அணிக்காக தனது 200வது போட்டியில் ஆடிய அவர், ஆறு உலகக் கோப்பைகளில் பங்கேற்ற முதல் வீரர் என்ற பெருமையையும் பெற்றார். இந்த கோல்களின் மூலம் அவர் 16 உலகக் கோல்களை எட்டி, எல்லாக் கால சாதனையாளரான மிரோஸ்லாவ் க்ளோஸுடன் சமநிலையை அடைந்தார். மேலும், உலகக் கோப்பையில் தனது 24வது கோல் பங்களிப்பையும் பதிவுசெய்து, எல்லாக் கால சாதனையாளரான பீலேவை (21) முறியடித்தார்.
ஆட்டத்தை கண்டு மகிழ அவரது ரசிகர்கள் மைதானத்தில் ஆர்வத்துடன் திரண்டிருந்தனர். 6வது நிமிடத்திலேயே மெஸ்ஸி கோல் அடித்தார். ஆனால் அது ஆப் சைட் காரணமாக செல்லாத கோலாக அறிவிக்கப்பட்டது. இதைத்தொடர்ந்து 9வது நிமிடத்தில் அல்ஜீரியா வீரர் அடித்த கோலும் ஆப் சைட் கோலாக மாறியது.பிறகு பரபரப்பாக சென்று கொண்டிருந்த ஆட்டத்தில் 17வது நிமிடத்தில் மெஸ்ஸி ஒரு கோல் அடித்தார். இதனால் அர்ஜென்டினா 1-0 என்ற கணக்கில் முன்னிலை பெற்றது. பிறகு அல்ஜீரியா கடுமையாக போராடியது. ஆனால் கோல் அடிக்க முடியவில்லை. இதனால் முதல் பாதி முடிவில் அர்ஜென்டினா முன்னிலையை தக்க வைத்து கொண்டது.
இரண்டாம் பாதியில், 60வது நிமிடத்தில் மெஸ்ஸி தனது இரண்டாவது கோலை அடித்தார். இதனால் அர்ஜென்டினா 2-0 என்ற கணக்கில் முன்னிலை பெற்றது.இதைத்தொடர்ந்து மெஸ்ஸி, 76வது நிமிடத்தில் மேலும் ஒரு கோல் அடித்து ஹாட்ரிக் சாதனை படைத்ததுடன், அர்ஜென்டினாவின் வெற்றியையும் உறுதி செய்தார். பிறகு அல்ஜீரியா இறுதி நேரம் வரை கோல் அடிக்க பாடுபட்டது. ஆனால் எந்த பலனும் இல்லை.இதனால், 3-0 என்ற கோல் கணக்கில் அல்ஜீரியாவை அர்ஜென்டினா அணி வீழ்த்தியது. உலகக் கோப்பை தொடரை வெற்றியுடன் துவங்கியது. மூன்று கோல்களை அடித்து ஹாட்ரிக் சாதனை படைத்த மெஸ்ஸிக்கு பாராட்டுக்கள் குவிந்து வருகிறது. அவரது ரசிகர்கள் மகிழ்ச்சியில் ஆழ்ந்துள்ளனர்.